کس شان سے آیا ہے ترقی کا زمانہ

کس شان سے آیا ہے ترقی کا زمانہ

ہر تلخ حقیقت نظرآتی ہے فسانہ

تہذیب کے لٹتے ہوئے سامان ہیں نظر میں

اخلاق کے گرتے ہوئے ایواں ہیں نظرمیں

ہر اہل وفا رسم وفا چھوڑ رہا ہے

انسان ہی انسان کا دل توڑ رہا ہے

مصروف تعیش ہے جوانوں کی جوانی

ہیں ان کے لئے خام جو ہیں باتیں پرانی

باتیں بھی نئی ،دل بھی نیا خود بھی نئے ہیں

یا لوگ انہیں یورپ سے یہاں چھوڑ گئے ہیں

ڈگری کے سوا اہل ہنر کچھ بھی نہیں ہیں

کہنے کو تو سب کچھ ہیں مگر کچھ بھی نہیں ہیں

طاری ہے فضائوں پہ سکوت غم ہستی

ہر اوج کے پردے میں نظرآتی ہے پستی

جو ذرہ ہے وہ اپنی جگہ مہر بلب ہے

کالج کی عمارت ہے یا ایوان طرب ہے

ماحول میں گونجی ہے لرزتی ہوئی آواز

اک ختم ہوا،دوسرے گھنٹے کا ہے اشارہ

کانوں سے ترقی کی صدا کھیل رہی ہے

آنکھوں سے زمانے کی ہوا کھیل رہی ہے
​