کسی کی یاد میں پلکیں ذرا بھگو لیتے... بشیر بدر

کسی کی یاد میں پلکیں ذرا بھگو لیتے
اداس رات کی تنہائیوں میں رو لیتے
دکھوں کا بوجھ اکیلے نہیں سنبھلتا ہے
کہیں وہ ملتا تو اس سے لپٹ کے رو لیتے
اگر سفر میں ہمارا بھی ہم سفر ہوتا
بڑی خوشی سے انہی پتھروں پہ سو لیتے
تمہاری راہ میں شاخوں پہ پھول سوکھ گئے
کبھی ہوا کی طرح اس طرف بھی ہو لیتے
یہ کیا کہ روز وہی چاندنی کا بستر ہو
کبھی تو دھوپ کی چادر بچھا کے سو لیتے
​

 

زنیرہ بیٹی اسلام علیکم۔ مجھے کچھ پرابلم پیش آ رہی ہے۔ دوسری ویب سائڈ ( اردو محفل اصلاحِ سخن ) پر میں لاگ ین نہیں ہو پا رہا اور نا ہی ان کے کسی آدمی سے رابطہ ہو رہا ہے میری کوئی ای میل ان تک نہیں جا رہی ۔کیا آپ ان کے کسی بھی آدمی کو ای میل یا میسیج یا کسی ذریعے سے کہیں کہ میرا اکاونٹ بحال کریں میں پاسورڈ بھول گیا ہوں

 

وعلیکم السلام
انکل آپ کا پیغام پہنچا دیا ہے
آپ کی طبیعت کیسی ہے؟

 

اسلام علیکم میری طبیعت بہتر ہے ۔پچھلے دنوں 19 اپریل کو بائیں ہاتھ کی سرجری کروائی تھی کیونکہ انگلیاں کام نہیں کر رہی تھیں آہستہ آہستہ بہتری آ رہی ہے ۔۔میرا مسئلہ ابھی وہیں ہے کیونکہ وہ کہتے ہیں پاسورڈ کی تبدیلی کے لئے آپ کو ای میل بھیج دی گئی ہے اس پر عمل کریں ۔۔ لیکن مجھے ای میل نہیں ملتی۔ ان کا کوئی فون نمبر بھی نہیں ہے۔ ان کی ویب سائڈ پر بھی میسیج تھرو نہیں ہوتا۔ ابھی تک تو کوئی حل سامنے نہیں آیا۔

 

وعلیکم السلام
اللہ آپ کو صحت ِ کاملہ و عاجلہ و مستمرہ عطا فرمائے آمین
ان کو بتا دیا ہے اگر کوئی حل نکلتا ہے تو میں آپ کو مطلع کر دونگی
اپنا بہت بہت خیال رکھیےگا

والسلام

 

بہت عمدہ

تمہاری راہ میں شاخوں پہ پھول سوکھ گئے
کبھی ہوا کی طرح اس طرف بھی ہو لیتے

 

بہت اچھی غزل ہے۔ یہ کلام کس کا ہے؟

 

بشیر بدر کا کلام ہے یہ

 

ساتھ میں اگر شاعر کا نام لکھ دیا کریں تو مزہ دوبالا ہو جاتا ہے۔

 

جی جناب

 

اسلام علیکم بیٹی آپ کی اس غزل میں کوئی تکنیکی خامی نہیں ہے ۔۔سوائے ایک مصرح کے وہ وزن میں نہیں ہے اس کو اس طرح کر لیں (کبھی ہوا ہی کی طرح اس طرف بھی ہو لیتے)
آپ کی ای میل مل رہی ہے مگر اُن کی ای میل نہیں مل رہی
ماشاءاللہ اب آپ کی کی غزلوں میں کافی نکھار ہے لگتا ہے عروض کا مطالعہ کرتی ہیں ۔ بد دل ہونے کی ضرورت نہیں وقت کے ساتھ ساتھ بہتری آتی جائے گی۔ ایک بات بتاؤں آپ کے پاس اچھے خیالات ہیں بس اچھے طریقے سے بحر میں پرونے کی ضرورت ہے اب آپ کو تکنیک بھی سمجھ آ گئی ہے

 

میں سمجھا تھا آپ کا اپنا کلام ہے خود لکھا کریں۔

 

بشیر بدر کا کلام ہے یہ

 

زخم دل کے سبھى گھرے ھوئے جارھے ھيں
مجيد
جن کو برسوں سے مرھم لگانے والا کوئى نھيں