کرم سرکار مجھ پر بھی۔۔۔۔۔۔۔۔۔۔۔۔۔۔۔۔۔۔۔

کرم سرکار مجھ پر بھی اگر اک بار ہو جائے
مقدر جاگ اٹھیں دور ہر آزار ہو جائے

میری دنیا بدل جائے سکوں دل کو میسر ہو
زیارت آپ کی مجھ کو اگر اک بار ہو جائے!

:saw:

دکھا دو یا رسول اللہ مجھے وہ گنبد خضریٰ
بجھے کچھ پیاس نظروں کی یہ دل سرشار ہو جائے

مجھے بھی نعت گوئی کا صلہ اتنا عطا کر دو
زباں شیریں بنے میری امر گفتار ہو جائے

مجھے حساں کا طرز بیاں کر دو عطا آقا
اگر اک شعر بھی کہہ دوں تو بیڑا پار ہو جائے

:saw:

سعید بے نوا پر بھی توجہ رحمت عالم
جہاں اٹھے نظر اس کی وہیں دیدار ہو جائے

کرم سرکار مجھ پر بھی اگر اک بار ہو جائے
مقدر جاگ اٹھیں دور ہر آزار ہو جائے!!!

اللھم صل علی محمد وعلی آل محمد کما صلیت علی اِبراھیم وعلی آل اِبراھیم اِنک حمید مجید
اللھم بارک علی محمد وعلی آل محمد کما بارکت علی اِبراھیم وعلی آل اِبراھیم انک حمید مجید​

 

مجھے حساں کا طرز بیاں کر دو عطا آقا
اگر اک شعر بھی کہہ دوں تو بیڑا پار ہو جائے


آمین۔ بہت خوب۔ کیا کہنے اتنی خوبصورت نعت شریف کے۔
ماشاءاللہ