کرم اس قدر میرے غفار کردے - سید محمد نورالحسن نورؔ

کرم اس قدر میرے غفار کردے
منور مری بزمِ کردار کردے

ہوا جو چلی ہے توہم کی یارب
کہیں میرے دل کو نہ بیمار کردے

بچالے فریبِ شیاطیں سے مجھ کو
منافق کے حربوں کو بیکار کردے

رہِ زندگی میں بہت پیچ و خم ہیں
پئے آلِ سرکار ہموار کردے

مرے دامنِ دل میں جتنے خذف ہیں
خدایا ! انہیں دُرِ شہوار کردے

جو غافل ہو تیرے نبی کی ثنا سے
مجھے اس سخنور سے بیزار کر دے

ودیعت کر اپنی ولا کے اجالے
مرا قریئہ جاں ضیا بار کردے

عطا کر وہ ایمان کا جوش مجھ کو
جو باطل کے سر کو نگوں سار کر دے

جو تیرے محب جو ہیں محبوب تیرے
مجھے ان کے در کا وفا دار کردے

سوا تیرے کس کی ہے یہ شان مولا
جو آتش فشاں کو چمن زار کردے

نبی کے تبسم کا صدقہ عطا کر
مری ساعتوں کو چمک دار کردے

مجھے نعت کہنے کا ہے شوق یارب
مرے سارے الفاظ شہکار کردے

مدینے کی گلیاں ہوں اور نورؔ تیرا
خدایا!وہ ماحول تیار کردے
------
سید محمد نورالحسن نورؔ​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

کرم اس قدر میرے غفار کردے
منور مری بزمِ کردار کردے

 

بچالے فریبِ شیاطیں سے مجھ کو
منافق کے حربوں کو بیکار کردے

 

رہِ زندگی میں بہت پیچ و خم ہیں
پئے آلِ سرکار ہموار کردے

 

مرے دامنِ دل میں جتنے خذف ہیں
خدایا ! انہیں دُرِ شہوار کردے

 

جو غافل ہو تیرے نبی کی ثنا سے
مجھے اس سخنور سے بیزار کر دے

 

ودیعت کر اپنی ولا کے اجالے
مرا قریئہ جاں ضیا بار کردے

 

عطا کر وہ ایمان کا جوش مجھ کو
جو باطل کے سر کو نگوں سار کر دے

 

جو تیرے محب جو ہیں محبوب تیرے
مجھے ان کے در کا وفا دار کردے

 

سوا تیرے کس کی ہے یہ شان مولا
جو آتش فشاں کو چمن زار کردے

 

نبی کے تبسم کا صدقہ عطا کر
مری ساعتوں کو چمک دار کردے

 

مجھے نعت کہنے کا ہے شوق یارب
مرے سارے الفاظ شہکار کردے

 

مدینے کی گلیاں ہوں اور نورؔ تیرا
خدایا!وہ ماحول تیار کردے