کرسیاں ہی کافی ہیں

جواب: کرسیاں ہی کافی ہیں

اسی واقعے کے بارے میں ایک اور دلچسپ تبصرہ پڑھنے کو ملا ہے ، میں نے سوچا کہ یہاں بھی شیئر کردوں:

کرسی چور کی کہانی

سچ بتاؤ کیا کرنے آئے تھے۔
ہمیں بتانے کہ حالات بہت خراب ہیں
ہمیں بتانے؟
نہیں سچ بتاؤ۔
کرسی لینے۔
ووٹ مانگنے؟
تاکہ انقلاب لاسکیں؟
خیر ووٹ تو آپ کو دے ہی دیں گے۔
یہ قصوری صاحب کو دیا آپکو دیا۔
ایک ہی بات ہے۔
پہلے بھی انکو دیا تھا
انقلاب تو نہیں آیا
بجلی بھی چلی گئی
لیکن آپ خان صاحب ہیں
کپتان صاحب ہیں
آپ سے کیا گلہ کرنا۔
ابھی تو الیکشن میں وقت ہے
پہلے آپ الیکشن جیتیں گے
پھر حکومت میں آئیں گے
پھر بتائیں گے کہ آوے کا آوے ہی بگڑا ہوا ہے
بابو میری بات نہیں سنتے
فوجی آنکھیں دکھاتے ہیں
پھر آپکو پتہ چلے گا
ملکی سلامتی خطرے میں ہے
اسلام خطرے میں ہے
ہو سکتا ہے آپکی کرسی بھی خطرے میں پڑ جائے
پھر ہمارے پاس آئیں گے
وہی راگ گائیں گے
پھر پچیس ہزار کرسیاں لگوائیں گے
اتنا انتظار کون کرے
ابھی اپنا اپنا حصہ بانٹ لیتے ہیں
لکڑی کے ان ڈنڈوں سے
ایک دن تو گھر کا چولہا جل ہی جائے گا
اس بینر کی رضائی بنا لیں گے
کیا فرمایا؟
یہ چوری ہے؟
خان صاحب آپ قصور میں ہیں
بابا بلھے شاہ کا نام تو سنا ہوگا
آپ نے فرمایا تھا
کیا کہا بلھے شاہ کو نہیں پڑھا؟
گانا تو سنا ہوگا
علی عظمت سے پوچھ لیجئیے گا
ویسے اس نے یہ گانا نہیں گایا
لیکن سنا ہوگا
بابا جی نے فرمایا
چوری کر
بھن جھگا رب دا
جی جھگا، جھگی سے تھوڑا بڑا ہوتا ہے
اب ہمارے رب تو ہوئے قصوری صاحب
ان کا جھگا تو بہت ہی بڑا ہے
باہر بندوقوں والے گارڈ بھی کھڑے ہوتے ہیں
چوری کریں تو کیسے کریں
لیکن بابا بلھے شاہ کا حکم تو ماننا ہے
یہ پلاسٹک کی کرسی ہی سہی
کیا کہا؟ کرسی کا کیا کروگے؟
پتہ نہیں جی، کرنا کیا ہے۔
ہمارے بچے بھی چار دن کرسی کرسی کھیل لیں گے۔
آپ دل چھوٹا نہ کریں ۔ بس یہ سمجھیں
جو کرسی ہمارے مقدر کی تھی ہمیں مل گئی۔
جو آپکے مقدر میں ہوگی، آپکو مل جائے گی۔

 

جواب: کرسیاں ہی کافی ہیں

کچھ ایسا ہی سلوک ن لیگ کے ساتھ بھی ہوا ہے

 

جواب: کرسیاں ہی کافی ہیں

آصف بھائی ، ادب سے گزارش کروں گا کہ یہی تو فرق ہوتا ہے "ہجوم" میں اور انقلابی تنظیم" میں ۔ جب بغیر کسی فکری و نظریاتی تربیت کے ، صرف کسی وقتی صورتحال کے تحت لوگوں کا ہجوم جمع ہوجائے تو پھر ایسا ہی ہوتا ہے ، جیسا کہ دیکھنے میں آیا ۔ یہ واقعہ نہ صرف تحریک انصاف کے چاہنے والوں کو بلکہ ہم سب پاکستانیوں کو بھی بہت کچھ دعوتِ فکر دے گیا ہے ۔

انقلاب کوئی بچوں کا کھیل نہیں ہوتا ، بلکہ اسکے لئے بہت ہی گہری منصوبہ بندی اور طویل جدوجہد کی ضرورت ہوتی ہے ، مگر ان سب باتوں سے پہلے کارکنوں کی فکری و نظریاتی تربیت اس ساری جدوجہد کی کامیابی کیلئے بنیادی حیثیت رکھتی ہے ، ورنہ انقلاب رستے میں ہی دم توڑدیتا ہے۔ اسی لئے صرف انقلاب نہیں بلکہ مصطفوی انقلاب ہمارا نصب العین ہے ، جسکی ساری جدوجہد لوگوں کو اخلاقِ حسنہ سے آراستہ کرنے سے عبارت ہو ، نہ صرف خالق سے بلکہ مخلوق سے بھی بہترین اخلاق کے ساتھ پیش آنے کیلئے عوام الناس کو تیار کیا جائے، نہ کسی کا حق مارا جائے ، نہ کسی کا خون بہایا جائے ، بلکہ اسکی جدوجہد معاشرے کیلئے امن و سلامتی اور خیروفلاح کا واضح پیغام نظر آئے ۔

اس جدوجہد کے مختلف مراحل ہوتے ہیں ، جن سے گزرے بغیر حقیقی تبدیلی کا خواب کبھی بھی شرمندہ تعبیر نہیں کیا جاسکتا ، وہ یہ ہیں:
1۔ دعوت
2۔ تنظیم
3۔ تربیت
4۔ تحریک
5۔ انقلاب

جو بھی جماعت کسی مثبت اور مبنی برخیر حقیقی تبدیلی کی خواہاں ہو ، وہ کبھی بھی کسی بھی حال میں ان پانچ مراحل کے جملہ تقاضوں کو پورا کئے بغیر کامیابی حاصل نہیں کرسکتی ۔

آئیے ، اب اس تناظر میں تحریک منہاج القرآن اور پاکستان عوامی تحریک کے کارکنوں کا جائزہ لیں تو اپنے کیا پرائے بھی ان حقائق کو تسلیم کرتے ہیں کہ :
1۔ منہاج القرآن نے ایک مسلسل عمل کے ذریعے کارکنوں کی فکری و نظریاتی اور اخلاقی وروحانی تربیت کو ہمیشہ مقدم رکھا ہے۔
2۔ منہاج القرآن کے کارکنوں کا ڈسپلن مثالی ہے ۔
3۔ منہاج القرآن کی گزشتہ پوری تاریخ گواہ ہے کہ جلسے ، جلوس ، احتجاجی تحریک ، غرض کوئی بھی ایونٹ ہو ، اسکی ساری جدوجہد ہمیشہ مکمل طور پر پرامن رہی ہے، جسمیں ہرقسم کی منفی سرگرمی [گالی گلوچ ، افراتفری ، تشدد ، توڑ پھوڑ ، جلاؤ گھیراؤ وغیرہ ]سے کلیتاً اجتناب کیا گیا ہے ۔

اسلئے غیر جانبدار مبصرین کہتے ہیں کہ پاکستانی قوم کو احتجاج کا انداز سیکھنا ہے تو منہاج القرآن سے سیکھے، سنیں ذرا :
http://www.youtube.com/watch?v=KBd4a_obnWU

اب آپ منہاج القرآن کے بارے میں پہلے سے بنے ہوئے تصور والی عینک کو تھوڑی دیر ایک طرف رکھ کر مجھے بتائیں کہ منہاج القرآن کے کارکن مثالی ڈسپلن کے اس بلند معیار پر بغیر کسی ٹھوس نظامِ تربیت کے پہنچ گئے ہیں ؟ یقیناً اس کا جواب نفی میں ہے ، کیونکہ تربیت کے بغیر تو ایسا سوچا بھی نہیں جاسکتا ۔

اب آتے ہیں آپکے اس خدشے کی طرف کہ اگر لوگ نظام کی تبدیلی کے نعرے پر گھروں سے نکل آئے ، تو بہت فساد ہوگا ۔ ۔ ۔ وغیرہ
تو میں یہ عرض کروں گا کہ منہاج القرآن کے تربیت یافتہ کارکن تو ان شاءاللہ ایسا سوچ بھی نہیں سکتے کہ انکی تو بنیادی تربیت ہی اسی بات پر ہوئی ہے ، اب رہ گئے وہ عوام الناس جو اس تحریک کا ساتھ دینے کیلئے نئے نئے شامل ہونگے ، انکی کیا ضمانت ہے؟ تو جواب دوجمع دو چار کی طرح بالکل سیدھا ہے کہ اگر وہ ایسی تحریک میں شامل ہوں ، جسکے پاس اپنا کوئی نظامِ تربیت ہی نہ ہو تو وہاں تو واقعی کوئی کوئی ضمانت نہیں دی جاسکتی ، مگر جب عوام الناس ایک ایسی تحریک کے ساتھ کھڑے ہوں جسکے پاس ایک بہت ہی ٹھوس نظامِ تربیت مسلسل جاری ہو ، تو پھر نئے شامل ہوئے لوگ بھی اسی رنگ میں رنگے جاتے ہیں اورخود بخود اسی مزاج کے حامل ہونے لگ جاتے ہیں ۔

اسکی تازہ مثال آپکے سامنے ہے لیاقت باغ میں ہونے والے تاریخی اجتماع میں شریک لوگوں کا ڈسپلن مثالی رہا ، حتیٰ کہ جب کچھ شرپسند لوگوں نے خواہ مخواہ کی نعرے بازی کے ذریعے گڑبڑ کی کوشش کی تو منہاج القرآن کے کارکنوں نے فوری ان پر قابو پالیا مگر قانون کو خود ہاتھ میں لینے کی بجائے ، ان مٹھی بھر شرپسندوں کو پولیس کے حوالے کردیا۔

اسلئے آصف بھائی ، آپکے بیان کردہ خدشات میں کوئی وزن نظرآتا ۔ میں پھر یہ بات زور دے کر کہنا چاہتا ہوں کہ اصل مسئلہ یہی ہے دودھ کا جلا چھاچھ کو بھی پھونک کر پیتا ہے کے مصداق ، باربار لٹنے کے بعد اب مخلص اور حقیقی محب وطن قیادت کی پہچان کرنے میں قوم کو ذرا دیر لگ رہی ہے ۔ یوں سمجھیں ، بس جس لمحے کھرے کھوٹے کی پہچان ہوگئی ، تو ان شاءاللہ آپ دیکھیں گے کہ یہی بے ہنگم عوام کا ہجوم ہر طرف سے مایوس ہوکر بالآخر تحریک منہاج القرآن کا رُخ کرے گا اور تسبیح کے دانوں کی طرح ایک لڑی میں پرویا ہوا نظر آئے گا ، پھر دنیا دیکھے گی کہ حقیقی تبدیلی محض خواب نہیں بلکہ ایک حقیقت ثابتہ نظر آئے گی ، ان شاءاللہ عزوجل۔
اللہ تعالیٰ ہمیں وہ دن دیکھنا جلد نصیب کرے ، آمین !

آخر میں اتنی گزارش کروں گا کہ ڈور ہلانے کی بے بنیاد بات کرکے خواہ مخواہ اپنا امیج خراب مت کریں ، کیونکہ ایک پیارے دوست کی حیثیت سے آپکی ابھی بھی بہت عزت کرتے ہیں۔ بھلا کامن سینس سے ہی کام لیکر سوچیں کہ جس کی ڈور کہیں اور سے ہل رہی ہو ، وہ اس طرح اپنے آپ کو پارلیمنٹ سے بالکل باہر نہیں کرلیتا ، بلکہ ہرقیمت پر اقتدار میں رہنے کوہی ترجیح دیتا ہے ۔ ذرا اسے بھی سنیں:

http://www.youtube.com/watch?v=H142WfEfF4k

اب ایجنسیاں آج کل کس کی ڈور ہلا رہی ہیں ، یہ بات تو کوئی راز نہیں رہی ، بلکہ اسکو تو آپ خود بھی سمجھ رہے ہیں ۔ اللہ تعالیٰ ہم سب کو شعور دے۔ آمین۔

 

جواب: کرسیاں ہی کافی ہیں

بلال بھائی ، شکریہ ۔ اسی بارے میں کچھ مزید تازہ بتازہ ، ملاحظہ فرمائیے :

کپتان عمران خان اور انکا سونامی
​

تحریک انصاف میں نئے شامل ہونے والے اکثر وبیشتر وہی لوگ ہیں جو تقریباً ہر برسر اقتدار پارٹی میں شامل ہوکر وزیر ہی بنتے رہے ہیں ۔ اس سے پہلے انکے والد ، چچا ، تایا اور دادا وغیرہ بھی وزیر ہی بنتے تھے ، یعنی جنکا آبائی پیشہ ہی حکمرانی ہے۔

جس تیزی سے یہ جدی پشتی ، پیشہ ور اور پرانےتجربہ کار سیاسی کھلاڑی مختلف پارٹیوں سے نکل نکل کر تحریک انصاف میں آرہے ہیں ، اسکی رفتار دیکھ کر اب تو کافی حد تک یقین ہوچلا ہے کہ یہ سب کچھ غیرفطری اور مصنوعی ہے ، یعنی ان سب کے پیچھے اصل خفیہ قوتِ محرکہ کہیں اور ہے ، جسے کئی دانشور آئی ایس آئی سے تعبیر کرتے ہیں اور کئی لوگ تو یہاں تک کہنے لگے ہیں کہ راولپنڈی کی ڈرائی کلیننگ فیکٹری سے دُھل دُھلا کر پرانے مہروں کو ایک چھتری تلے جمع کیا جارہا ہے۔

اب قطع نظر اس بات کے کہ اس تاثر میں سچ کتنا ہے اور جھوٹ کتنا ، مگر عمران خان کے اپنے کچھ بیانات اس صورتحال میں عوام کیلئے تشویش کا باعث ہیں ۔ عمران خان صاحب نے اپنے ایک تازہ بیان میں کہا ہے کہ "پاکستان میں فرشتے نہیں رہتے ، معیار سخت رکھا تو پارٹی نہیں بناسکوں گا " جبکہ کچھ ہی دن پہلے انہوں نے کہا تھا کہ "پرانے سیاستدان شامل ضرور ہورہے ہیں مگر ضروری نہیں کہ انکو الیکش لڑنے کیلئے ٹکٹ یا کوئی اہم پارٹی عہدہ بھی دیا جائے ، اس کیلئے ان سب کی سکروٹنی کی جائیگی "۔ ان بیانات سے عوام کے ان خدشات کو تقویت مل رہی ہے کہ ہو نہ ہو ، پرانے مہروں کا اچانک مختلف پارٹیوں سے نکل نکل کر ایک چھتری تلے جمع ہوجانا صرف نظریات کی بنیاد پر نہیں ، بلکہ اقتدار کے لالچ کی بنیاد پر ہے ۔ یہ خدشات کس حد تک درست ثابت ہوتے ہیں ، اسکا فیصلہ تو آنے والا وقت ہی کریگا ۔

ایک اور خدشہ جو مختلف لوگوں کی جانب سے پیش کیا جارہا ہے ، یہ ہےکہ پرانے کھلاڑیوں کے اس ہجوم میں کپتان عمران خان کا سونامی ، کہیں خود اُن کو ہی نہ لے ڈوبے ، یعنی انکا حال بھی وہی نہ ہو جو پچھلی بار ، مشرف دور میں ، قاف لیگ کے ہاتھوں میاں اظہر کا ہوا تھا !!!

بہرحال ، پرانے سیاسی کھلاڑی سکروٹنی کی چھلنی میں پھنستے ہیں یا جُل دیکر صاف نکل جاتے ہیں ، تھوڑے ہی عرصہ میں واضح ہوجائیگا،
آگے آگے دیکھئے ہوتا ہے کیا

 

جواب: کرسیاں ہی کافی ہیں

آصف بھائی ، میں آپ سے متفق ہوں ۔ مزید تفصیل کیلئے اس لڑی کو دیکھیں :
http://www.oururdu.com/forums/showthread.php?t=12035
شکریہ۔