کراچی میں دھماکہ

کراچی کے علاقے گھاس منڈی میں ایک عمارت میں دھماکے کے نتیجے میں سولہ افراد ہلاک اور تیس سے زائد زخمی ہو گئے ہیں۔
ایس پی ارشاد سیھڑ کا کہنا ہے کہ شام نو سوا نو بجے کے قریب جناح آْباد کی گلی نمبر چار میں واقعے رمی کلب میں دھماکہ ہوا۔ ان کا کہنا ہے جس جگہ دھماکہ ہوا ہے وہاں گڑھا پڑ گیا ہے جس سے یہ اندازہ ہوتا ہے کہ بم نصب کیا گیا تھا۔دوسری جانب پولیس کا کہنا ہے کہ رمی کلب میں غریب طبقے کے لوگ پچاس اور سو روپے کی پرچیوں پر سٹہ اور جوا کھیلتے ہیں۔ اس اڈے پر مقامی لوگ اعتراض کرتے رہے ہیں جو کچھ عرصہ بند رہنے کے بعد کھول دیا گیا۔ گنجان آبادی ہونے کی وجہ سے سے غیر سرکاری امدادی اداروں کی ایمبولینسیں کو جائے وقوعہ پر پہنچنے میں بیس منٹ لگے۔ اس دوران ہلاک ہونے والوں اور زخمیوں کو فوری طور پر رکشوں میں ڈال کر سول ہسپتال منتقل کیا گیا۔

بشکریہ بی بی سی اردو