کبھی ہم بھیگتے ہیں چاہتوں کی تیز بارش میں

کبھی ہم بھیگتے ہیں چاہتوں کی تیز بارش میں
کبھی برسوں نہیں ملتے کسی ہلکی سی رنجش میں
تمہی میں دیوتاؤں کی کوئی خُو بُو نہ تھی ورنہ
کمی کوئی نہیں تھی میرے اندازِ پرستش میں

یہ سوچ لو پھر اور بھی تنہا نہ ہو جانا
اُسے چھونے کی خواہش میں اُسے پانے کی خواہش میں

بہت سے زخم ہیں دل میں مگر اِک زخم ایسا ہے
جو جل اُٹھتا ہے راتوں میں جو لَو دیتا ہے بارش میں​

 

جواب: کبھی ہم بھیگتے ہیں چاہتوں کی تیز بارش میں

کِسی بھی رائیگانی سے بڑا ہے
یہ دُکھ تو زندگانی سے بڑا ہے
نہ ہم سے عشق کا مفہوم پوچھو
یہ لفظ اپنے معانی سے بڑا ہے
ہماری آنکھ کا یہ ایک آنسو
تمہاری راجدھانی سے بڑا ہے
گزر جائے گی ساری رات اس میں
مرا قصّہ، کہانی سے بڑا ہے
ترا خاموش سا اظہار راحت
کسی کی لن ترانی سے بڑا ہے
حميرا راحت​

 

جواب: کبھی ہم بھیگتے ہیں چاہتوں کی تیز بارش میں

بہت خوب صدیقی بھائی!!

 

جواب: کبھی ہم بھیگتے ہیں چاہتوں کی تیز بارش میں

واہ۔۔۔۔۔۔۔

 

جواب: کبھی ہم بھیگتے ہیں چاہتوں کی تیز بارش میں

واہ
بہت عمدہ انتخاب صدیقی بھائی۔۔۔۔۔۔۔