چلو دیار نبی کی جانب

چلو دیار نبی کی جانب درود لب پر سجا سجا کر
بہاریں لوٹیں گے ہم کرم کی دلوں کو دامن بنا بنا کر

:saw:

نہ ان کے جیسا سخی ہے کوئی نہ ان کے جیسا ولی ہے کوئی
وہ بے نواؤں کو ہر جگہ سے نوازتے ہیں بلا بلا کر

:saw:

یہی اساس عمل ہے میری اسی سے بگڑی بنی ہے میری
سمیٹتی ہوں کرم خدا کا نبی کی نعتیں سنا سنا کر

:saw:

میں وہ نکمی ہوں جس کی جھولی میں کوئی حسن عمل نہیں ہے
مگر وہ احسان کر رہے ہیں خطائیں میری چھپا چھپا کر

:saw:

ہے ان کو امت سے پیار کتنا کرم ہے رحمت شعار کتنا
ہمارے جرموں کو دھو رہے ہیں حضور آنسو بہا بہا کر

:saw:

ہماری ساری ضرورتوں پر کفالتوں کی نظر ہے ان کی
وہ جھولیاں بھر رہے ہیں سب کی کرم کے موتی لٹا لٹا کر

:saw:

وہ راہیں اب تک سجی ہوئی ہیں دلوں کا کعبہ بنی ہوئی ہیں
جہاں جہاں سے حضور گزرے ہیں نقش اپنا جما جما کر

:saw:

کبھی جو میرے غریب خانے کی آپ آ کر جگائیں قسمت
میں خیر مقدم کے گیت گاؤں گی اپنی پلکیں بچھا بچھا کر

اللّھم صلّ افضل الصلوۃ علی اسعد المخلوقاتک سیدنا و مولانا محمد وعلی آلہ وصحبہ وسلم

الصلوۃ وسلام علیک یا سیدی یا شفیع المذنبین
وعلی آلک واصحبک واھلبیتک یا خاتم النبیّین​

نوٹ:- یہ نعت محترم مشتاق قادری کی آواز میں ہے۔ چونکہ میں لکھ رہی تھی اس لیئے ایک دو جگہ صیغہ ضرورتاَ چینج کیا ہے۔

 

سبحان اللہ ۔ بہت خوبصورت نعت ہے۔

 

سبحان اللہ ۔ بہت پیاری نعت شریف ہے