چاند چہرہ لیے صندلی آ گیا ۔ محمد عمران شریف

نعت رسول مقبول ﷺ
----
چاند چہرہ لیے صندلی آ گیا
پھول پھولوں کی بن کر ڈلی آ گیا

آمنہ کا نگر روشنی سے بھرا
ان کے گھر طفل جاں مخملی آ گیا

ہر طرف نور کی لہر چھانے لگی
رب کی دنیا میں رب کا ولی آ گیا

جب بھی تکلیف کو ئ ملی ہے مجھے
تب مرے لب پہ نامِ نبی آ گیا

غم کے سائے یہ سارے ہیں ٹلنے لگے
یاد ایسا وہ حرفِ جلی آ گیا

مصطفی ﷺ ہیں مدینہ ء علم و ہنر
باب بننے کو جس کا علی آ گئے

اس امامِ جہاں نے سبق جب دیا
شور ایسا اٹھا ہر گلی آ گیا

جو بھی دیکھے گا عمران ہو گا فدا
حسن ایسا اجل اکملی آ گیا
----
محمد عمران شریف
​

 

اللہ تعالیٰ آٌپ کو بھی جزائے خیر عطا کرے آمین