پیاس آنکھوں کی بڑھائیں آنکھیں

پیاس آنکھوں کی بڑھائیں آنکھیں
چین اک پل بھی نا پائیں آنکھیں

میری چاہت کے جو منکر ٹھہرے
ان سے کہہ دو نا دکھائیں آنکھیں

یہ بھی بتلاؤ کے جاناں کب تک
تیری راہوں میں بچھائیں آنکھیں

ایک پل کےلیۓ ہنسنا دے کر
عمر بھر کو ہی رلائیں آنکھیں

دھوکا دیتی ہیں ہمیشہ باقرؔ
بھول کر بھی نا ملائیں آنکھیں

مُرید باقرؔ انصاری
.
.

 

میری چاہت کے جو منکر ٹھہرے
ان سے کہہ دو نا دکھائیں آنکھیں
بہت خوب

 

ماشاءاللہ۔ عمدہ غزل ہے۔ لیکن ردیف کہیں "آنکھیں" ہے اور کہیں "نا آنکھیں"۔ اس سے غزل کی خوبصورتی اور تسلسل میں رکاوٹ پیدا ہو رہی ہے۔
اگر اس کی اصلاح کر دی جائے تو آپکے کلام کو چار چاند لگ سکتے ہیں۔
دعا گو۔ فیصل سادات

 

م

محترم آپ کو سمجھنے میں غلطی ہوئ دوبارہ پڑھیں ردیف آنکھیں ہے ۔۔۔

 

یہ " نہ " اگر ہ سے لکھا جاتا تو زیادہ مناسب لگتا۔
وقت کے ساتھ ساتھ تحریری ریختہ میں خاصی شکستی واقع ہورہی ہے۔
۔۔۔۔۔۔۔۔۔۔۔۔
چھوٹی بحر میں خوب کلام ہے۔
وزن کا ہلکا سا ارتعاش ہے لیکن خوبصورت کاوش قابلِ داد ہے۔