پہلا ون ڈے: جنوبی افریقہ کی پاکستان کے خلاف بیٹنگ

جنوبی افریقہ نے پاکستان کے خلاف پہلے ایک روزہ بین الاقوامی کرکٹ میچ میں ٹاس جیت کر پہلے بیٹنگ کا فیصلہ کیا ہے۔
پاکستان کی میزبانی میں متحدہ عرب امارات میں ہونے والی پانچ ایک روزہ میچوں کی سیریز کا یہ میچ بدھ کو شارجہ میں کھیلا جارہا ہے۔
پاکستانی ٹیم میں عمر اکمل اور عمر امین کے علاوہ وہاب ریاض اور سہیل تنویر کو بھی شامل کیا گیا ہے۔
دونوں ملکوں کے درمیان اب تک ہونے والے ایک روزہ میچوں میں جنوبی افریقہ کا پلڑا بھاری ہے جس نے 42 میچ جیت رکھے ہیں جب کہ 20 میں پاکستان کو کامیابی حاصل ہوئی۔
اس سے قبل متحدہ عرب امارات میں ہونے والی دو ٹیسٹ میچوں کی سیریز ایک، ایک سے برابر رہی تھی۔
http://www.urduvoa.com/content/cricket-pakistan-south-africa-one-day/1779780.html