پھڑ ونجھلی بدل تقدیر رانجھنا!

پھڑ ونجھلی بدل تقدیر رانجھنا!
تیری ونجھلی تے لگی ہوئی ہیر رانجھنا!

تیری اک ذات نال وسدا جہان اے
تن من کیتا اساں تیتھوں قربان اے
سچے پیار دے گواہ پنج پیر رانجھنا!
تیری ونجھلی تے لگی ہوئی ہیر رانجھنا!

اکھاں تینوں ویکھیا تے ہو گیاں تیریاں
میریاں تے سانہواں ہن رہیاں نہیں میریاں
وِسے من وچ تیری تصویر رانجھنا!
تیری ونجھلی تے لگی ہوئی ہیر رانجھنا!

بھلا ہووے رانجھنا بختاں دے تارے دا
راہ جہنے دسیا اے تخت ہزارے دا
میری جند جان تیری جاگیر رانجھنا!
تیری ونجھلی تے لگی ہوئی ہیر رانجھنا!

مجھیاں دا چاک نئیں توں جگ تیرا چاک اے
دنیا دا روپ تیرے جوڑیاں دی خاک اے
تیرے جوڑیاں اچ ہووے گی اخیر رانجھنا!
تیری ونجھلی تے لگی ہوئی ہیر رانجھنا!

کیدو بھانویں دیندا رہوے پہرا ساڈے پیار دا
سنگ تیرا ہووے تے کی خوف اے سنسار دا
وے میں رسماں دی توڑاں گی زنجیر رانجھنا!
تیری ونجھلی تے لگی ہوئی ہیر رانجھنا!

بنا ساقی جس طرح میخانیاں دے حال نیں
تیرے بنا بیلے دیاں رونقاں محال نیں
مر جاواں جے میں بدلاں ضمیر رانجھنا!
تیری ونجھلی تے لگی ہوئی ہیر رانجھنا!

-×-×-×-×-×-×-×-×-×-×-×-×-×-×-×-

ڈاؤنلوڈ لنک ​

 

واہ جی واہ

یہ عارف فیروز قوال نے گائی ہے اور بہت خوب گائی ہے

 

میں نے بھی کچھ دن پہلے عارف فیروز کی آواز میں یہ قوالی لائیو سنی اور ابھی کمپیوٹر پر سن رہا تھا۔

 

مینوں وی ایہو ای شک سی

 

ڈاؤنلوڈ کرن یا سنن واسطے ایس قوالی نوں اپلوڈ وی کیتا اے۔
لنک حاضر اے

https://dl.dropboxusercontent.com/u...njabi spirtual ghazal by arif feroz khan).mp3

 

فیر یاد آئی اے تے میں ایتھے آگیا