پھر سے حضور حاضری طیبہ کی عطا ہو ۔۔ نور محمد حسنی قادری انڈیا

پھر سے حضور حاضری طیبہ کی عطا ہو
در پہ سر نیاز عقیدت سے جھکا ہو
کونین میں اس شخص کو کلفت ہو بھلا کیا
آزاد ہے جو آپ کے دامن سے بندھا ہو
محشر کی تپش یا نبی کیسے میں سہوں گا
مجھ بے سرو سامان پہ رحمت کی ردا ہو
شاہوں سے حسیں زندگی اس کی نہ ہو کیوں کر
سرکار مدینہ کے جو ٹکڑوں پہ پلا ہو​

وہ خوش نصیب واقعی انسان ہے حسنی
روتی ہوئی آنکھوں سے جو مصروف ثنا ہو
------
نور محمد حسنی قادری انڈیا​

​

 

اللہ تعالیٰ آپ کو بھی جزائے خیر عطا کرے آمین