پکاسو کی پینٹنگ 7کروڑ پاونڈ‌میں نیلام ہوئی

پکاسو پینٹنگ، سات کروڑ پاؤنڈ میں نیلام​

سپین کے مشہور مصور پابلو پکاسو کی ایک شہکار پینٹنگ نیویارک کے کرسٹی ہاؤس میں سات کروڑ پاؤنڈ کی ریکارڈ قیمت کے عوض فروخت ہوئی ہے۔

پکاسو کی سنہ انیس سو بتیس میں بنائی گئی اس پینٹنگ کا عنوان عریاں، سبز پتے اور عورت کی چھاتی ہے۔توقع تھی کہ پکاسو کی یہ پینٹنگ سات سے نو کروڑ امریکی ڈالر میں فروخت ہو گئی۔

پکاسو کی پینٹنگ کی ریکارڈ نیلامی اب تک کسی بھی آرٹ ورک کی سب سے زیادہ قیمت ہے۔

پکاسو کی پینٹنگ خریدنے والے ایک نامعلوم شخص ہیں جنھوں نے ٹیلی فون پر نیلامی میں حصہ لیا اور سب سے زیادہ قمیت لگا کر پینٹگ خرید لی۔

اس قمیت میں کرسٹی ہاؤس کا کمیشن بھی شامل ہے۔ ریکارڈ قیمت میں فروخت اس بات کا عندیہ ہے کہ آرٹ مارکیٹ عالمی معاشی بحران سے نکل آئی ہے۔

کرسٹی ہاؤس کے اہلکار کونر جورڈن نے فرانسیسی خبر رساں ادارے اے ایف پی کو بتایا کہ پکاسو کی یہ پینٹنگ بروڈیز نے سنہ انیس سو پچاس میں خریدی گئی تھی اور اس کی صرف ایک بار سنہ انیس سو اکسٹھ میں نمائش ہوئی تھی۔

اس سے پہلے سال انیس سو چار میں پکاسو کی ایک پینٹنگ garcon a la pipe ایک سو چار اعشاریہ ایک ملین ڈالر کی ریکارڈ قیمت میں فروخت ہوئی تھی۔


بی بی سی اردو ۔

 

جواب: پکاسو کی پینٹنگ 7کروڑ پاونڈ‌میں نیلام ہوئی

بہت خوب اچھی شئرنگ ہے

ہارون بھائی پکاسو گذذذذذذذذذذذذذذذذذذذر گیا ہے اب اسکی کلوننگ شاید نہ ہوسکے