پنجاب دے پینڈ وچ جدید سہولتاں دی فراہمی نال پاڑھوواں دے اندراج وچ وادھا

امریکی سفیر دے فنڈ نال ہرپوکی پینڈ وچ نویاں کلاساں دی تعمیر تے دوجیاں جدید تعلیمی سہولتاں دی فراہمی​

گوجرانوالہ ۔۔ امریکی قونصل جنرل نینا ایم فائٹ نے اج گوجرانوالہ ڈسٹرکٹ دے ہرپوکی پینڈ وچ سہیل بن صادق ماڈل سکول وچ نویاں تعلیمی سہولتاں دا افتتاح کیتا۔ سکول وچ اے جدید سہولتاں دی تعمیر امریکی سفیر دے فنڈ ولوں ایک لکھہ ڈالر دی امداد نال ممکن ہوئی۔​

​

امریکی قونصل جنرل نے ایس موقعے تے ا پنڑے وچاراں دا اظہار کردے ہویاں آکھیا کہ" معیارے زندگی وچ بہتری تے معاشی خوشحالی لئی تعلیم بنیادی اہمیت رکھدی وے۔ مینوں ہرپوکی پینڈ دے بالاں نوں معیاری تعلیم دے زیادہ مواقع فراہم کرنڑ لئی فرینڈز ڈیولپمنٹ آرگنائزیشن نال سانجھہ تے چوکھی خوشی وے۔ امریکی سفیر دے فنڈ دی امداد نال سہیل بن صادق ماڈل سکول وچ 17 نویں کمرے، اک سائنسی تجربہ گاہ، اک کیفے ٹیریا، پرنسپل تے عملے لئی وی نویں کمرے تعمیر کیتے گئے نے تے سکول وچ دوجی ہور کئی قسم دی بہتری وی لیائی گئی وے۔ ا یس فنڈ دے ذریعے دیتی جانڑ آلی مدد دے تحت پکھیاں تے ڈیسکاں ونگریاں ہور وی کئی سہولتاں دیتیاں گئیاں نے۔​

​

ایس تعمیرتوں پہلے سہیل بن صادق ماڈل سکول وچ جیتھے وڈی تعداد وچ پاڑھوتعلیم لے رہے نے، پاڑھوواں نو اکثر اوقات کمرہ جماعت توں باہر بیٹھنڑاں پیندا سی تے خراب موسم تے دوجیاں وجوہات کارنڑاناں دا دھیان وٹ جاندا سی۔ سکول وچ کمپیوٹر تے سائنس دیاں کلاساں لئی جدید سہولتاں وی میسر نہی سنڑ۔ ہونڑ چونکہ سکول نوں جدید خطوط تے استوار کردیتا گیا وے ایس لئی ہونڑ پاڑھوسائنس تے کمپیوٹر دی تعلیم حاصل کرنڑ لئی بڑے پرجوش وکھائی دیندے نے، تےسکول وچ پاڑھوواں دی نفری 595 توں ودھ کے مجموعی طورتے 707 تک پہنچ گئی وے۔ سہیل بن صادق ماڈل سکول دی اک پاڑھو فائزہ رانی دا اکھنڑاں وے "مینوں اپنڑی تعلیم چالو رکھنڑ لئی اپنڑے ماں پیو نوں راضی کرنڑ وچ بڑی اوکھہ سی کیونکہ میرے ماں پیو نے مینوں اعلیٰ تعلیم لئی پینڈوں باہر جانڑ دی اجازت نہیں دیتی، لیکن ہونڑ ایس سکول وچ توسیع دی وجہ نال میں اپنڑی تعلیم چالو رکھہ سکدی واں۔"​

امریکی حکومت پاکستان وچ ساڈھے اٹھہ سو سکولاں دی تعمیر یا بحالی کررہی وے، جو تعلیمی معاونت دے جامع امریکی منصوبے دا صرف اک حصہ وے۔ یو ایس ایڈ دے بنیادی تعلیم دے پروگرام دے تحت امریکی حکومت اونڑ آلے پنج وریاں وچ 32 لکھہ بالاں نوں اپنڑی جماعت دی سطح یا ایس نالوں اوتے دی سطح تائیں پڑھن دے قابل بناڑ لئی مدد فراہم کررہی وے۔ امریکہ 100 توں زیادہ تدریسی کالجاں تے جامعات وچ تعلیم دے شعبے وچ نویں ڈگری منصوبے وی چالو کرریہا وے تے پاکستان وچ پوری دنیا دے مقابلے وچ اپنڑی نوعیت دا سب توں وڈھا فلبرائیٹ تعلیمی تبادلہ پروگرام چلاریہا وے۔ پاکستان وچ تعلیم دے شعبے وچ امریکہ دے اقدامات وارے ہور جان کاری لئی تھلے دیتی ہوئی ویب سائٹ ویکھو:​

http://goo.gl/auHXF​

​

لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ​

digitaloutreach@state.gov​

www.state.gov​

http://www.facebook.com/USDOTPunjabi​