پسرور:طلاق کا تنازع، تاجر ، ملازم سمیت قتل، خاتون سمیت3 افراد زخمی

سیالکوٹ…سیالکوٹ کی تحصیل پسرورمیں طلاق کے تنازع پر تاجر اور ان کے ملازم کو قتل اور خاتون سمیت3 افراد کوزخمی کردیا گیا۔تاجروں نے واقعے کیخلاف ہڑتال کر دی۔پولیس کے مطابق پسرورکے تاجرحافظ سجادکی بیٹی کی شادی چند سال پہلے ہوئی،جسے بعد میں طلاق ہوگئی،حافظ سجاد کے سابق داماد نے اسی رنجش پرساتھیوں کے ہمراہ فائرنگ کرکے انہیں اور اور ان کے ملازم کو قتل کر دیا،ملزموں کی فائرنگ سے خاتون سمیت3افراد زخمی بھی ہوئے ،جنہیں تشویش ناک حالت میں لاہور منتقل کر دیا گیا،دوہرے قتل پر پسرور میں تمام کاروباری مراکز بند کر دیئے گئے،ورثاء نے ملزموں کی گرفتاری تک مقتولین کی تدفین سے انکار کردیا ہے۔
http://beta.jang.com.pk/JangDetail.aspx?ID=128560