پاک فوج کا ایک غازی ملک راہی عدم ہوا۔

عظیم مجاہد ایم ایم عالم 6جولائی1935کو کلکتہ کےتعلیم یافتہ خاندان میں پیدا ہوئے۔ابتدائی تعلیم کلکتہ گورنمنٹ اسلامیہ ہائی اسکول سے حاصل کرنے کے بعد 1951ء میں ڈھاکہ سے سیکنڈری ایجوکیشن مکمل کرکے 1952ءمیں پاک فضائیہ میں شمولیت اختیار کی۔اپنے سروس کیرئیر کے دوران ایم ایم عالم نے فائٹر کنورشن کورس،فائٹر لیڈر کورس،پی اے ایف اسٹاف کالج کورس،امریکا میں اورینٹیشن ٹریننگ کورس اور برطانیہ سے رائل ڈیفنس اسٹڈیز کورس کئے۔ان کی کلیدی تعیناتیوں میں فائٹر لیڈراسکول میں ایئر گنری اینڈ ٹیکٹیکل انسٹر کٹر،اسکواڈرن نمبر05،11اور 26کے آفیسر کمانڈنگ، ڈائیریکٹر آپریشن ریسرچ اور ایئر ہیڈکوارٹرز میں اسسٹنٹ چیف آف دی ایئر اسٹاف(فلائٹ سیفٹی)و(پلانز)شامل ہیں۔ایم ایم عالم نے نمبر 11 اسکواڈرن کی کمانڈ کر تے ہوئے 6ستمبر1965ءکے دن بھارتی فضائیہ کے2جہازوں کو مار گرایا اور3کو نقصان پہنچایا۔اس غیرمعمولی بہادری کے مظاہرے پر انہیں ستارہءجرات سے نوازا گیا۔اگلےہی روز7ستمبرکو ایم ایم عالم نے بھارتی فضائیہ کے5(Hawker Hunters) جہازوں کو صرف 60سیکنڈمیں مار گرایا۔ان میں سے 4 طیارے صرف30سیکنڈمیں تباہ کئے۔اس ناقا بلِ یقین کارکردگی پر ایم ایم عالم کو دوبارہ ستارہءجرات سے نوازا گیا۔حکومتِ پاکستان نے اُن کی خدمات کے صلے میں گلبرگ (لاہور)کی معروف شاہراہ کا نام ان کے نام پر رکھا۔ایم ایم عالم کوبچپن میں پیار سے ”لٹل ڈریگن“ کے نام سے پکارا جاتا تھا۔متحدہ قومی موومنٹ کے قائد الطاف حسین نے ان کے انتقال پر گہرے دکھ اور افسوس کااظہار کیا ہے۔انہوں نے کہاکہ ایم ایم عالم قومی ہیرو تھے،پاکستان ایک بہادر نڈر انسان سے محروم ہو گیا۔لیفٹیننٹ جنرل (ر)حمید گل نے کہا کہ وہ ایک سچے،محب وطن اور نڈر سپاہی تھے،ان کا دل پاکستان کے لئے دھڑکتا اور وہ جب بھی ملے انہوں نے اللہ کی حکمرانی اور پاکستان کی بات کی،وہ کہا کرتے تھے کہ پاکستان ہی ان کی زندگی ہے۔ایئر مارشل (ر)مسعود اختر نے کہا کہ وہ ہمارے بہت سینئر افسر تھے اور اگر استاد کہا جائے تو بے جا نہ ہو گا۔لیفٹیننٹ جنرل(ر)عبدالقیوم نے کہا کہ وہ پاکستان کے ماتھے کا جھومر تھے،پاک فضائیہ کو اپنے سپوت پر ناز ہے۔

 

خدا رحمت کنند ایں عاشقان پاک طینت را۔

 

ایم ایم عالم کا ایف 86 سیبر

 

ایم ایم عالم۔ایف ایف خان،فاروق عمر ، عارف اقبال اور دیگر کے ساتھ

 

ویں ونگ سرگودھا کے پائلٹ،ستارہء جرات ملنے کی تقریب میں
(بائیں سے دائیں)سکواڈرن لیڈر نجیب اے خان،فلائٹ لیفٹینٹ امتیاز بھٹی،فلائٹ لیفٹینٹ سیسل چوہدری،فلائٹ لیفٹینٹ یوسف علی خان،فلائٹ لیفٹینٹ امجد حسین،ونگ کمانڈر انور شمیم،فلائٹ لیفٹینٹ سعد اے حاتمی اور سکواڈرن لیڈر ایم ایم عالم

 

ان کے ایف 86 سیبر پر پینٹ کیے گئے 11 انڈین جھنڈے
9 بڑے ان انڈین طیاروں کی نمائندگی کرتے ہیں جن کو انہوں نے تباہ کیا اور دو چھوٹے ان دو طیاروں کی جن کو انہوں نے نقصان پہنچایا