پاکستان کو ایک سازش کے تحت ورلڈ کپ سے محروم کیا گیا: میانداد

پاکستان کو ایک سازش کے تحت ورلڈ کپ سے محروم کیا گیا: جاوید میانداد​

دبئی(نیٹ نیوز) قومی کرکٹ ٹیم کے سابق کپتان اور پی سی بی کے ڈائریکٹر جنرل جاوید میانداد نے کہا ہے کہ پاکستان کو ایک سازش کے تحت ورلڈ کپ کی میزبانی سے محروم کیا گیا۔ آئی سی سی میں شامل بعض گروپ پاکستان کو کرکٹ سے دور کرنا چاہتے ہیں۔ انہوں نے اس امر کو تسلیم کیاکہ لاہور میں سری لنکن ٹیم پرحملے سے پاکستان کی پوزیشن کمزورہوئی اور انٹرنیشنل کرکٹ کیلئے پاکستان کا امیج خراب ہوا لیکن آئی سی سی کو جلد بازی میں فیصلہ کیا۔ اگر سیکیورٹی خدشات پر پاکستان سے میزبانی چھینی گئی ہے تو پھر ورلڈ کپ2011ء آسٹریلیا اور نیوزی لینڈمنتقل کردیا جائے اور ایشیائی ممالک کو 2015ء ورلڈ کپ کی میزبانی سونپ دی جائے۔ اس دوران خطے میں سیکیورٹی کی صورت حال بہتر ہوجائے گی۔ میانداد کا کہنا ہے کہ پاکستان کرکٹ کے خلاف سازش 2001ء میں شروع ہوئی جب ویسٹ انڈیز اور آسٹریلیا نے ٹور کرنے سے انکار کردیا تھا۔ چند گروپ کرکٹ میں اپنی اجارہ داری قائم کرنے کیلئے ایسی گیمز کررہے ہیں۔


بشکریہ ۔ روزنامہ جناح نیوز۔

 

میں بھی جاوید میانداد سے اتفاق کرتا ہوں۔۔۔ بھارت اِس سازش میں پیش پیش ہے۔۔۔ وہ پاکستان کی ٹیم کے 15 کھلاڑیوں پر آئی سی ایل لیگ کی وجہ سے پابندی لگاوا چکا ہے۔۔۔اور اب پوری کوشش کر رہا ہے کے ٹیم کے ساتھ ساتھ پاکستان کرکٹ بورڈ کی بھی کوئی حیثیت نا رہے۔۔۔ دولت کا لالچ دے کر آئی سی سی اور باقی ممالک کے کرکٹ بورڈز کو بھی اس سازش میں اپنے ساتھ ملا لیا ہے۔۔۔

 

اللہ کرے کہ پاکستان‌آسٹریلیا کے خلاف سیریز جیت جائے اور آگے بھی جیتتارہے تو یہ بھارت اور آئی سی سی کے منہ پر طمانچہ ہوگا۔

مجھے چئیرمین کرکٹ بورڈ، آصف زرداری اور گیلانی پر بھی افسوس ہے کہ انہوں نے بھی کچھ نہیں کیا۔ لیکن یہ بھی اچھا ہے کہ آئی پی ایل بھارت میں نہیں ہورہا۔ اسطرح بھارت کا بھی کافی نقصان ہوچکا ہے۔

 

آزاد صاحب نے اطلاع دی ہے کہ ہمارے کرکٹ بورڈ نے انصاف کے لیے عدالت سے رجوع کر لیا ہے۔