1. اس فورم پر جواب بھیجنے کے لیے آپ کا صارف بننا ضروری ہے۔ اگر آپ ہماری اردو کے صارف ہیں تو لاگ ان کریں۔

پاکستان کا مطلب کیا۔۔۔۔ لا الہ الا اللہ

'متفرق' میں موضوعات آغاز کردہ از حنا شیخ, ‏26 اگست 2017۔

  1. حنا شیخ
    آف لائن

    حنا شیخ ممبر

    شمولیت:
    ‏21 جولائی 2016
    پیغامات:
    2,709
    موصول پسندیدگیاں:
    1,394
    ملک کا جھنڈا:
    پاکستان کا مطلب کیا۔۔۔۔ لا الہ الا اللہ
    ۔
    اصغر سودائی روزانہ ایک قومی نظم لکھ کر لاتے اور جلسے میں موجود افراد کو سناتے تھے۔ ایک دن وہ ایک ایسی نظم لکھ کر لائے، جس کے ایک مصرعہ نے گویا مسلمانوں کے دلوں کے تار کو چھو لیا۔
    ۔
    آپ سے ایک بار پوچھا گیا تھا کہ یہ مصرع کیسے آپ کے ذہن میں آیا تو آپ نے فرمایا کہ:” جب لوگ پوچھتے تھے کہ، مسلمان پاکستان کا مطالبہ کرتے ہیں لیکن پاکستان کا مطلب کیا ہے ؟؟؟“تو میرے ذہن میں آیا کہ سب کو بتانا چاہیئے کہ:”پاکستان کا مطلب کیا ہے؟؟؟“
    یہ نعرہ ہندوستان کے طول و عرض میں اتنا مقبول ہوا کہ تحریک پاکستان اور یہ نعرہ لازم و ملزوم ہو گئے اور اسی لیے قائد اعظم نے کہا تھا کہ: ”تحریکِ پاکستان میں پچیس فیصد حصہ اصغر سودائی کا ہے۔“

    پاکستان کا مطلب کیا؟ ــــــــــ لا الہ الا اللہ
    شب ظلمت میں گزاری ہے
    اٹھ وقت بیداری ہے
    جنگ شجاعت جاری ہے
    آتش و آہن سے لڑ جا

    پاکستان کا مطلب کیا؟ ــــــــــ لا الہ الا اللہ
    ہادی و رہبر سرورِ دِیں
    صاحب علم و عزم و یقیں
    قرآن کی مانند حسیں
    احمد مرسل صلی علی
    پاکستان کا مطلب کیا؟ ــــــــــ لا الہ الا اللہ

    چھوڑ تعلق داری چھوڑ
    اٹھ محمود بتوں کو توڑ
    جاگ اللہ سے رشتہ جوڑ
    غیر اللہ کا نام مٹا
    پاکستان کا مطلب کیا؟ ــــــــــ لا الہ الا اللہ

    جرات کی تصویر ہے تو
    ہمت عالمگیر ہے تو
    دنیا کی تقدیر ہے تو
    آپ اپنی تقدیر بنا
    پاکستان کا مطلب کیا؟ ــــــــــ لا الہ الا اللہ

    نغموں کا اعجاز یہی
    دل کا سوز و ساز یہی
    وقت کی ہے آواز یہی
    وقت کی یہ آواز سنا
    پاکستان کا مطلب کیا؟ ــــــــــ لا الہ الا اللہ

    پنجابی ہو یا افغان
    مل جانا شرط ایمان
    ایک ہی جسم ہے ایک ہی جان
    ایک رسول اور ایک خدا
    پاکستان کا مطلب کیا؟ ــــــــــ لا الہ الا اللہ

    تجھ میں ہے خالد کا لہو
    تجھ میں ہے طارق کی نمو
    شیر کے بیٹے شیر ہے تو
    شیر بن اور میدان میں آ
    پاکستان کا مطلب کیا؟ ــــــــــ لا الہ الا اللہ

    مذہب ہو تہذیب کہ فن
    تیرا جداگانہ ہے چلن
    اپنا وطن ہے اپنا وطن
    غیر کی باتوں میں مت آ
    پاکستان کا مطلب کیا؟ ــــــــــ لا الہ الا اللہ

    اے اصغر اللہ کرے
    ننھی کلی پروان چڑھے
    پھول بنے خوشبو مہکے
    وقت دعا ہے ہاتھ اٹھا
    پاکستان کا مطلب کیا؟ ــــــــــ لا الہ الا اللہ
  2. سید نوید مسلم
    آف لائن

    سید نوید مسلم ممبر

    شمولیت:
    ‏28 اگست 2017
    پیغامات:
    8
    موصول پسندیدگیاں:
    4
    ملک کا جھنڈا:
    ما شاء ا للّٰہ ، بہت عمدہ

اس صفحے کو مشتہر کریں