پاکستان میں انسانی حقوق کیخلاف ورزی پر اقوام متحدہ کے نوٹس کا خدشہ

لاہور(شہباز اکمل جندران،انویسٹی گیشن سیل) جلسے ،جلوس ، احتجا ج اور مارچوں میں انسانی حقوق کی خلاف ورزی پر اقوام متحدہ نوٹس لے سکتی ہے کیونکہ یو این او کے کمیشن برائے انسانی حقوق کا رکن ہونے کی حیثیت سے پاکستان بنیادی انسانی کی معطلی یا خلاف ورزی نہیں کرسکتا۔ معلوم ہوا ہے کہ ان دنوں پاکستان اور خصوصاً لاہور و دیگر شہروں میں انتظامیہ اور پولیس کی طرف سے انسانی حقوق کی دھجیاں اڑائی جارہی ہیں اور شہر میں نقل و حرکت کو محدود کیا جارہا ہے، داخلی اور خارجی راستوں کو زبردستی بند کیا جارہا ہے۔ لوگوں کو ان کے گھرو ں اور ہسپتالوں میں جانے میں مشکلات پیش آرہی ہیں، پرامن طورپر اکٹھے ہونے کے خواہشمندوں کو اجازت نہیں دی جارہی، زبردستی پٹرول پمپ اور ٹرانسپورٹ بند کی جارہی ہے،لوگوں سے ان کی آزادی سلب کی جارہی ہے۔ یہ تمام بنیادی حقوق اقوام متحدہ کے انسانی حقوق کے چارٹر کا حصہ ہیں جبکہ پاکستان اقوام متحدہ کے کمیشن برائے انسانی حقوق کا رکن اور اس کے گروپ2008-2011-2015کا ممبر رہ چکا ہے۔یواین او کے مذکورہ کمیشن کے رکن ممالک اس امر کے پابند ہیں کہ وہ انسانی حقوق کی خلاف ورزی کو ہرصورت روکیں گے۔ لیکن ذرائع سے معلوم ہواہے کہ صوبائی دارالحکومت سمیت پنجاب کے مختلف شہروں میں ان دنوں انسانی حقوق کی کھلے عام خلاف ورزی کی جارہی ہے۔ایسے میں اقوام متحدہ اپنے ذیلی ادارے کی سفارش پر ان خلاف ورزیوں کو نوٹس لے سکتی ہے جس پر اقوام عالم میں پاکستان کی کی ساکھ متاثر ہونے کا خدشہ ہے۔
http://dailypakistan.com.pk/national/10-Aug-2014/131168

 

انسانی حقوق کمیشن کی بات ضرورت پڑنے پر اقوام متحدہ سنتی ہے نہ ضرورت ہو تو نہیں سنتی ۔دیکھتے ہیں کہ خلاف ورزی کون کر رہا ہے ،بھارت اور اسرائیل کی خلاف ورزی پر کوئی پروا نہیں کرتا

 

جی بالکل صحیح فرمایا ہے آپ نے ۔ڈبل سٹینڈرڈ ہے ۔ غزا پر یو این او اور باقی دنیا کا ڈبل سٹینڈرڈ سب کے سامنے آ چکا ہے

 

اقوام متحدہ پہلے ۔۔۔۔فلسطین۔۔۔۔عراق۔۔۔شام۔۔۔۔۔۔لیبیا سے تو نمٹے۔۔۔جہاں۔۔۔۔۔۔۔۔گود اور لے پالکوں کے ذریعے فساد برپا کروا کر۔۔۔۔خون بہایا گیا۔۔۔۔اور ابھی جاری ہے۔۔۔
چلے ہیں۔۔۔پا کستان کے متعلق نوٹس لینے۔۔۔۔۔۔۔چلو دیکھتے ہیں۔۔۔۔کہ غیرملکی کب تک ہمارے قسمتوں سے کھیلتے رہیں گے۔۔۔اور اپنے جو غیروں سے مل جاتے ہیں۔۔۔کب تک ملتے رہیں گے۔۔۔۔آخر خدا کی لاٹھی بھی تو بے آواز ہے۔۔۔۔
اندھیرے زیادہ ہوتے ہیں۔مگر سویر کا انتظار سب کو ہوتا ہے۔

 

ان لے پالکوں پر ان لوگوں نے بہت محنت کی ہے اور بہت سرمایہ خرچ کیا ہے ۔اور دیکھ لیں وہ لے پالک کس طرح ملکوں پر قبضے کر رہے ہیں

 

مگر یہ موقع بھی ہم خود ہی دے دیتے ہیں۔۔۔۔اور ابھی تک بضد ہیں۔۔۔۔کہ آؤ۔۔۔۔ہم اس لائق ہیں۔۔۔کہ جو کچھ کرو۔

 

ان لوگوں نے دنیا کو لوٹ کر اپنی طاقت بڑھائی ہے اور ان کا مقصد ہی دوسروں کے وسائل سے فاہدہ اٹھانا ہے ۔اور ان کی پالیسی ڈاکؤں جیسی ہے ۔دیکھ لیں جن ملکوں میں ان کے لے پالک بدامنی پھیلائے ہوئے ہیں ۔وہاں سے
تیل ان کو مفت تیل مل رہا ہے اور یہ اس کے بدلے اسلحہ دے رہے ہیں

 

یہ سو فیصدصحیح بات ہے اورجن لوگوں کے اثاثے دوسرے ملکوں میں ہیں وہ ان ملکوں کی بنائی ہوئی پالیسیوں پر عمل کرتے ہیں ۔نہ کریں تو وہ ممالک ان کے اثاثے منجمد کرنے کی دھمکیاں دیتے ہیں ۔اسی طرح وقت کے ساتھ
ساتھ ان کے اثاثے بڑھتے رہتے ہیں اور یہ ان لوگوں کی پالیسیوں پر عمل کرتے ہوئے اپنے ملک اور عوام کو غریب سے غریب تر بناتے
جاتے ہیں۔آئی ایم ایف سے قرضے لینے کی شرائط میں ملکی پالیسی میں دخل اندازی ہے ۔