ٹی وی چینلس کے معاشرہ پر تباہ کن اثرات

اچھی باتوں سے آگاہ کرنے کا شکرئی

 

اب تو پی ٹی وی صرف گلیمر اور کروڑوں اربوں کی باتیں کرتا ہے

 

تاکہ یو ٹیوب بین کرسکے

 

یہ ایک المیہ ہے ، اور ہم لوگ جان بوجھ کر خود کو اور اپنی آئیندہ نسلوں کو اس تاریک ذلت میں دھکیل رہے ہیں ۔ بہت سے کام ہم بحیثیت ایک شہری کر سکتے ہیں مگر ہم لوگ ہر کام کے لیے حکومت کی طرف دیکھتے ہیں یا کسی دوسرے کو اس کا ذمہ دار ٹھہرا کر خود بری الزمہ ہو جاتے ہیں ۔ آج ملک کے دور دراز اور پسماندہ ترین علاقوں میں کہ جہاں زندگی کی لازمی اور ضروری سہولیات بھی دستیاب نہیں وہاں کیبل ٹی وی موجود ہے ، حکومت کیبلز آپریٹرز کو لائسینس جاری کرتی ہے مگر اُن کیبلز آپریٹرز سے کنکشن تو ہم لوگ خود لیتے ہیں نا ، فون کر کے " خصوصی پروگرام " لگانے کی فرمائیشیں بھی ہم لوگ ہی کرتے ہیں ، اپنے گھر اور اولاد کے ذمہ دار ہم لوگ خود ہیں ، اگر ہم لوگ اپنی ذمہ داری محسوس کریں اور اپنے گھر والوں پر نظر رکھیں تو بہت سی برائیوں سے بچا جا سکتا ہے ۔
یاد رکھئیے جیسے لوگ ہوتے ہیں ویسا ہی معاشرہ ہو تا ہے اور جیسا معاشرہ ہوتا ہے ویسے ہی ادارے بن جاتے ہیں ، دس پندرہ سال پہلے تک یہ سب عریانیت نہیں تھی ، گھر کی خواتین مردوں حتی کے بچوں تک کے سامنے اپنے سر سے دوپتہ سرکنے نہیں دیتی تھی ، مگر پھر اس برائی مین مبتلا ہونے لگے ، ابتداء کیبل ٹی وی اور اسٹیج سے ہوئی ، اسٹیج پر کیا کیا بیہودگی نہ ہوتی ، حتی کہ سنجیدہ فکر فنکار اسٹیج چھوڑ ہی گئے ، مگر عوام ان بیہودہ اور بازاری لوگوں کو دیکھنے مہنگے ٹکٹ خرید کر جاتے رہے ، اس عوامی روئیے نے ایسے لوگوں کی ہمت مزید بڑھائی اور پھر ہم لوگوں نے اسٹیج کی رقاصاؤں کی وہ وہ بیہودگیاں دیکھی کہ الامان ، جن کے پاس دو پیسے تھے اُنہوں نے اپنی تقریبات میں بھی یہ بیہودگیاں شروع کر دی ، آج کم و بیش ہر شادی میں شراب اور شباب کی خرمستیاں عروج پر ہوتی ہیں ، اور ہر شخص اس کا ذمہ دار ہے ، وہ جو ان سب میں شامل ہوا اور وہ جو شامل تو نہ ہوا مگر اس کو برا بھی نہ جانا ، اور وہ جو نہ شامل ہوا اور برا جاننے کے باوجود خاموش رہا ۔ قانون ساز اداروں میں جا کر قوانین بنانے والے بھی تو آخر ہم میں سے ہی ہیں ۔
میں اگر خود کو روک لوں ، اپنے گھر والوں کو اس ذلت سے بچا لوں تو کسی حد تک میں اس جہاد میں شامل ہو گیا ، اور جب ہم میں سے اکثریت اس جہاد کا حصہ بن گئی تو یہ میڈیا والے یہ بیہودگیاں کس کو دکھائینگے ؟

 

رضوی صاحب ! یہ باتیں سمجھنے کے لیے ہمیں کوئی مثال دینے کی ضرورت نہیں ، بحیثیت ماں باپ بچوں کی بہتر تربیت ہمارا فرض ہے ، سن بلوغت تک پہنچنے تک بچوں کے ہر فعل کے زمہ دار اُن کے والدین ہوتے ہیں ، اور بیٹیاں تو جب تک اپنے گھر اور شوہر والیاں نہ ہو جائیں ماں باپ کی ذمہ داری ہوتی ہیں ، ہم اپنی تربیت کی کمی یا اپنی نا اہلی کو بہت آسانی سے معاشرے کے سر ڈال کر بری الذمہ ہو جاتے ہیں ، میں آج بھی بہت سے ایسے لوگوں کو جانتا ہوں کہ جن کے گھر میں بہترین نظم و ضبط موجود ہے ، جو اپنی اولاد کی بہترین تربیت کر رہے ہیں ، جن کے گھروں میں موجودہ زمانے کی تمام سہولیات موجود ہین مگر اُن کی اولاد ہر سہولت سے جائز حد تک اور جائز طور پر ہی استفادہ کرتی ہے ۔
ہمارے معاشرہ عائلی معاشرہ ہے ، ہمارا خاندان صرف ماں باپ اور بچوں پر مشتمل نہیں ہے ، ہمارے خاندان میں دادا دادی ۔ نانا ، نانی ، ماموں ، چاچا جی ، پھوپھیاں ۔ چاچیاں ، ممانیاں ، خالائیں ، بھائی جان ، بھابھیاں ، بڑی بہنیں ، بہنوئی اور دوسرے تمام رشتے اپنی تمام محبتوں کے ساتھ موجود رہے ہیں ، مگر اب ہم ان محبتوں سے کٹتے جا رہے ہیں ، اگر مجبورا ایک گھر میں رہنا پڑ بھی جائے تو ایک بھائی دوسرے بھائی کی اولاد کی غلطی دیکھ کر بھی صرف اس لیے خاموش ہو جاتا ہے کہ اگر مین نے کچھ کہا تو بھائی اور بھابھی ناراض ہونگے اور گھر میں خواہ مخواہ کا جھگڑا شروع ہو جائے گا ۔
مجھے یاد ہے ! ہم چھوٹے ہوتے تھے تو محلے کے بزرگوں بلکہ اپنے سے عمر بڑے تمام محلے داروں تک کے سامنے کوئی شرارت یا بری حرکت نہیں کرتے تھے ، تب محلے دار تک کو یہ حق حاصل تھا کہ اگر وہ کسی بچے میں کوئی بری بات دیکھے تو اس کی اصلاح کر دے ۔

 

اچھا لگ رہا ہے کہ یہاں اچھی باتیں ہورہی ہیں