وہ ہمیں جس قدر آزماتے رہے

خمار بارا بنکوی

وہ ہمیں جس قدر آزماتے رہے
اپنی ہی مشکلوں کو بڑھاتے رہے
وہ اکیلے میں بھی جو لجاتے رہے
ہو نہ ہو ان کو ہم یاد آتے رہے
تھیں کمانیں تو ہاتھوں میں اغیار کے
تیر اپنوں کی جانب سے آتے رہے
آنکھیں سوکھی ہوئی ندیاں بن گئیں
اور طوفان بدستور آتے رہے
کر لیا سب نے ہم سے کنارامگر
ایک ناصح غریب آتے جاتے رہے
پیار سے ان کا انکار برحق مگر
لب یہ کیوں دیر تک تھر تھراتے رہے
یاد کرنے پہ دوست آئے نہ یاد
دوستوں کے کرم یاد آتے رہے
بعد توبہ یہ عالم رہا مدتوں
ہاتھ بے جام بھی لب تک آتے رہے
عذما لخذشے یک تبسم ’’خمار ‘‘
کعبہ و دیر میں خاک اڑاتے رہے
​