وہ غیب داں ہیں تو اُن سے چُھپا ہوا کیا ہے ۔ آفاق رضامشاہدی

وہ غیب داں ہیں تو اُن سے چُھپا ہوا کیا ہے
وہ جا نتے ہیں خُدائ ہے کیا،خُدا کیا ہے

حُضور ، آپ کی رحمت نے آبرو رکھ لی
وگَرنہ حَشر میں رُسوائ کے سِوا کیا ہے

فَرشتگانِ خُدا جِس کی دید کو آیئں
جمالِ گنبدِخضریٰ میں اےخُداکیا ہے

یہ مُنحصِر ہے کَرم پر حُضور کے،ورنہ
د یا رِ ہند سے طیبہ کا فا صِلہ کیا ہے

یہ بات خالقِ ارض وسما ہی جانتا ہے
حسن حُسین کے نانا کا مرتبہ کیا ہے

وہ جانتے ہیں گُزرتی ہے زِندگی کیسی
درِرسول پہ دِ ل کہنا چا ہتا کیا ہے

مَریضِ عشق ہوں، بیکار کی دوا نہ کرو
یہ دِل ہی جانتا ہے اب مِر ی دَوا کیا ہے

کہیں جو راہ میں مِل جایئں دِین کے باغی
دو چا ر ہا تھ لگا دوں، تو پِھر بُرا کیا ہے

لِکھو خُلوص سے آفاق نعتِ پاکِ رسول
یہ بَحث چھوڑو رَدیف اورقافیہ کیا ہے

از ــ آفاق رضامشاہدی​

 

اللہ تعالیٰ آپ کو بھی جزائے خیر عطا کرے آمین

 

جزاک اللہ خیرا کثیرا

 

اللہ تعالیٰ آپ کو بھی جزائے خیر عطا کرے آمین