ووٹر لسٹوں سے وفات پانے والے افراد کے نام خارج اور نئے ناموں کا اندراج کیا جائے گا،

اسلام آباد: الیکشن کمیشن نے انتخابی فہرستوں کی گھر گھر تصدیق اور تجدید کا عمل شروع کردیا۔
الیکشن کمیشن نے ووٹر لسٹوں کی گھر گھر تصدیق کا عمل شروع کردیا ہے جس کے لئے 136 رجسٹریشن آفیسرز کو تعینات کردیا گیا ہے، انتخابی فہرستوں کی رجسٹریشن کے لئے پنجاب میں 42، بلوچستان میں 32، سندھ میں 29، خیبر پختونخوا میں 25، فاٹا میں 7 اور اسلام آباد میں ایک آفیسر تعینات کیا گیا ہے۔
الیکشن کمیشن کے مطابق اس وقت ملک میں رجسٹرڈ ووٹرز کی تعداد 9 کروڑ 30 لاکھ ہے، ووٹر لسٹوں میں تصدیق میں نئے ووٹرز کا اندراج کیا جائے گا جب کہ وفات پانے والے افراد کے نام انتخابی فہرستوں سے خارج کر دیئے جائیں گے۔ الیکشن کمیشن کے مطابق انتخابی فہرستوں کی تصدیق اور تجدید کے عمل کے ذریعے ووٹرز کی تعداد 50 لاکھ اضافے کے بعد 9 کروڑ 80 لاکھ تک پہنچنے کا امکان ہے جب کہ انتخابی فہرستون کی تصدیق و تجدید کا عمل 29 اگست تک جاری رہے گا۔

 

سب سیٹ خرید کر آتے ہیں تو پیسه تو واپس لینا ہے ۔۔ تو آتے ہی لوٹنے آتے ہیں ۔۔