وزیراعظم کی تنقید کا جواب، ن لیگ نے ایئرایمبولنس کے اندر کی تصاویر جاری کردیں

وزیراعظم کی تنقید کا جواب، ن لیگ نے ایئرایمبولنس کے اندر کی تصاویر جاری کردیں
نواز شریف نے لندن کے لئے ائیر ایمبولینس پر سفر کیا یا شاہی طیارے میں؟ مسلم لیگ ن نے ایئر ایمبولنس کی اندر کی تصاویر جاری کردیں۔ احسن اقبال نے وزیراعظم کو ’مسٹر پرائم ڈس انفارمر‘ قرار دیدیا۔
سابق وزیراعظم نواز شریف کے علاج کے لئے لندن لے جانے والی ائیر ایمبولنس کو حکومتی حلقوں کی جانب سے شاہی طیارہ قرار دینے پر مسلم لیگ ن نے ائیر ایمبولینس کے اندر کی تصاویر جاری کر دی ہیں جس میں طبی ضرورتوں کے مدنظر رکھتے ہوئے دستیاب سہولتوں کو دیکھا جا سکتا ہے۔

مسلم لیگ ن کے سیکرٹری جنرل احسن اقبال نے اپنے ٹویٹ میں وزیراعظم کو ’مسٹر پرائم ڈس انفارمر‘ قرار دیتے ہوئے کہا کہ ’مسٹر پرائم ڈس انفارمر‘ آپ نے ائیر ایمبولنس کا ایک حصہ دیکھا، دوسرا حصہ اپ نے جان بوجھ کر نظر انداز کیا۔​