وحشت زدہ سوچیں

السلام علیکم قارئین کرام!

وطن عزیز کی حالت زار، قدرتی آفات کے ساتھ انسانی تباہ کاریاں۔ اخلاقی تنزل بے صبری اور بے ایمانی دیکھ کر بہت دل گرفتہ ہوں۔ وہاںمقیم ہمارے جاننے والوں کےساتھ جو جو ہوا ہے، ڈاکے، فراڈ قتل وغیرہ حیرت ہوتی ہے کہ کس کی نظر کھا گی ہمارے ایمان کلچر اور خوف خدا کو۔ دور دراز افریقہ کی کسی وحشی قوم کی یہ حالت ہوتی تو کوئی وجہ بھی تھی مگر اسلام کے آفاقی پیغام کو بہ سرو چشم قبول کر نے کے بعد اس کو پس پشت ڈال کر درندگی میں حد سے گزر جانا نہایت خوفناک ہے۔ ا یسی قومیں خدا کے دوہرے عذاب کی مورد ہوتی ہیں ۔‌ ایک مظلوم عورت کو باندھ کر کتے چھوڑنا۔ یہی رہ گیا ہے ہمارا قومی تشخص؟ اللہ جانے کیا بنے گا پاکستان کا۔

ایک ٹوٹی پھوٹی سی سی زخمی تحریر آپ سبکی نذر ہے۔
اس کی فنی خامیوں کو نظر اندازر کریں۔ شکریہ

وحشت زدہ سوچیں دہشت زدہ، راتیں

دھرتی ماں پر ہیں خوف کی برساتیں

ہر قدم ، دھڑکا پہر پہر سو چیں

نہج نہج خطرہ گھر گھر امواتیں

بات کیا ایماں کی یا کہ مسلماں کی

لگتا ہے یاں پر تو رہتے ہیں جِنـّا تیں

کیا ہوا ایماں کیا ہوا مومن

دھوکہ، فریب، دغا یہی ہے سوغاتیں

لرز لرز سوچوں سوچ سوچ لرزوں

رب کو پانے کی یہی ہیں عاداتیں؟

جمہورِ اسلامی؟ اور یہ بد نامی؟

عزتِ نفس نہیں ہا ئے، "ھیھاتیں "1

نفس نفس لالچ سانس،سانس دھوکے

مارا ماری کی ہر دم ہیں گھاتیں

امیر، بہت امیر غریب بہت نادار

اس پہ طرّ ہ یہ نسلیں اور ذاتیں

والسلام

1 " ھیھاتَ" یعنی ہلاکت

 

جواب: وحشت زدہ سوچیں

بہت‌خوب طاہرہ جی ، آپ نے تو دکھتی رگ چھیڑ دی ھے

 

جواب: وحشت زدہ سوچیں

شکریہ خوشی

دل بہت دکھا ہوا ہے وطن عزیز کی حالت پر اللہ اس پر رحم کرے۔آمین

:121:

 

جواب: وحشت زدہ سوچیں

شکریہ خوشی جی !

 

جواب: وحشت زدہ سوچیں

طاہرہ بہن۔ آپ نے اپنے درد دل کو بہت عمدگی سے لفظوں کے سانچے میں ڈھال دیا۔
بہت سی داد قبول کیجئے۔