وجودِ شوق کو فرحت کا زمزمہ مِلا ہے ۔ مقصود علی شاہ

وجودِ شوق کو فرحت کا زمزمہ مِلا ہے
زباں کو جب سے درودوں کا ذائقہ مِلا ہے

پسِ خیال مہکتے رہے گُلابِ سخن
حروفِ عجز کو مدحت کا سلسلہ مِلا ہے

دعائیں پہنچی ہیں بخشش کے سبز ہاتھوں تک
خطا سرشت کو تیرا جو واسطہ مِلا ہے

اُجال لیتا ہوں فردِ عمل میں لکھے حروف
ترے خیال کی طلعت کا حاشیہ مِلا ہے

تھے نازِ خَلق کو درپیش گمرَہی کے سفر
ترے طفیل ہدایت کا راستہ مِلا ہے

کہاں کہاں پہ بھٹکتے وہ تیرگی زادے
خُدا کا شُکر کہ اِک تیرا زاویہ مِلا ہے

پلٹ کے آئے مدینے سے آس کا پنچھی
شکستہ خواب کو کب اتنا حوصلہ مِلا ہے

مِلے ہیں سب کو کمالاتِ معجِز و مُحکم
حضور آپ کو قُرآں کا معجزہ مِلا ہے

بُجھا بُجھا تھا زمانوں سے طاقِ دل مقصود
کرم ہُوا کہ مدینے کا قمقمہ مِلا ہے
----
Maqsood Ali Shah
مقصود علی شاہ

​

 

دعائیں پہنچی ہیں بخشش کے سبز ہاتھوں تک
خطا سرشت کو تیرا جو واسطہ مِلا ہے​

 

تھے نازِ خَلق کو درپیش گمرَہی کے سفر
ترے طفیل ہدایت کا راستہ مِلا ہے​

 

کہاں کہاں پہ بھٹکتے وہ تیرگی زادے
خُدا کا شُکر کہ اِک تیرا زاویہ مِلا ہے​

 

مِلے ہیں سب کو کمالاتِ معجِز و مُحکم
حضور آپﷺ کو قُرآں کا معجزہ مِلا ہے​

 

بُجھا بُجھا تھا زمانوں سے طاقِ دل مقصود
کرم ہُوا کہ مدینے کا قمقمہ مِلا ہے​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین