واصف کا باورچی خانہ

خیالی پلاؤ

اجزاء
نا آسودہ خواہشات ۔ ۵ کلو
خوش فہمیاں ۔ ۵ کلو
کاہلی ۔ ۲ کلو
بے عملی ۔ ۱ کلو
کم نظری ۔ حسب توفیق

ترکیب
خوش فہمیوں کو اچھی طرح چھان کر الگ الگ کریں اور کاہلی کے ساتھ ملا کر ابلنے کے لیے رکھ دیں۔
بے عملی کو تیز آنچ پر گرم کریں اور نا آسودہ خواہشات کو فرائی کریں۔ آنچ تیز رکھیں اور ان کو گہرا سرخ بلکہ سیاہی مائل ہو نے دیں۔
اس کے بعد ابلی ہوئی خوش فہمیوں اور کاہلی میں، بے عملی میں تَلی ہوئی خواہشات ڈالیں۔ ہلکی آنچ پر پکنے دیں اور چمچہ چلاتے رہیں۔
جب یک جان مرکب بن جائے تو کم نظری کا دم دیں۔ لیں جی ا ٓپ کا خیالی پلاؤ تیار ہے۔

 

جواب: واصف کا باورچی خانہ

یہ ڈش کتنے ہڈ‌حرام لوگوں کیلئے ہے

 

جواب: واصف کا باورچی خانہ

ایک سلوتری سب پہ بھاری

 

جواب: واصف کا باورچی خانہ

واہ جی واہ کیا پکایا جا رہا ہے

 

جواب: واصف کا باورچی خانہ

واصف جی باورچی خانہ میں مزید خیالی پلاؤ کی دیگیں تیار ہوئیں یا مصالحہ ہی کوٹ رہے ہیں ۔:104:

 

جواب: واصف کا باورچی خانہ

یہ کام تو آپ کے ذمہ لگایا گیا تھا بزم خیال جی!

 

جواب: واصف کا باورچی خانہ

بھول گیا میرے ذمہ کیا ہے لیکن مصالحہ کی سپلائی آپ کے ذمہ ہے ۔

 

جواب: واصف کا باورچی خانہ

فکر نہ کریں ۔۔۔ تھالی کا بینگن اور ساجھے کی ہنڈیا کی تراکیب لکھ رہا ہوں جلد ہی پیش خدمت ہوں گی تب تک خیالی پلاؤ پر ہی گزارا کریں۔

 

جواب: واصف کا باورچی خانہ

ساجھے کی ہنڈیا

اجزاء
مطلب پرست دوست ۔ 3 سے 4 عدد
ناقابلَ عمل منصوبہ ۔ ایک عدد
بدگمانی ۔ 3پاؤ
حرص اور لالچ ۔ حسب منشاء
غیر ذمہ داری ۔ آدھا کلو
بے صبری ۔ 1 کلو

ترکیب
ناقابل عمل منصوبے میں حرص اور لالچ شامل کر کے مطلب پرست دوستوں کے بیچ رکھیں تاکہ وہ سب مل کر اس کو خوب گوندھ لیں۔
جب اچھی طرح گوندھ لیا جائے تو بدگمانی کا لیپ لگا کر غیرذمہ داری کے تنور میں ٹکیاں بنا کر پکائیں۔ جب خوب سرخ ہو جائیں تو مٹی کی ہنڈیا میں ڈال کر اوپر سے ڈھک دیں۔بےصبری کے دم پر ڈالیں اور جب تمام دوستوں کا پیمانہ لبریز ہونے لگے تو پیش کریں۔
احتیاط۔ ساجھے کی ہنڈیا کو چوراہے سے دور رکھیں ۔

 

جواب: واصف کا باورچی خانہ

ٹیڑھی کھیر

اجزاء
بزدلی ۔ 2 کلو
کوڑھ مغزی ۔ 3 پاؤ
سادہ سا کام ۔ ایک عدد
کم عقل دلائل ۔ 5 عدد

ترکیب
بزدلی اور کوڑھ مغزی کو بلینڈر میں ڈال کر یکجان پیسٹ بنالیں۔
سادے سے کام کو ایک کھلی تھالی میں ڈال کر اس پر بزدلی اور کوڑھ مغزی کا پیسٹ اچھی طرح پھیلا دیں۔ پیسٹ مکمل طور پر پھیلائیں تاکہ کوئی کنارہ باقی نہ رہ جائے۔
تھوڑی دیر فریج میں رکھ کر ٹھنڈا کریں اور کم عقل دلائل سے سجا کر پیش کریں۔ لیں جی ٹیڑھی کھیر تیار ہے۔

 

جواب: واصف کا باورچی خانہ

کیا بات ہے واصف بھائی۔۔۔۔۔۔۔۔۔کئی لوگوں کو آپ نے سیر کردیا۔۔۔۔بلکہ سوا سیر کردیا۔۔لگتا ہے یہاں تو بہاریں ہی بہاریں ہیں۔۔۔۔۔۔مگر ہمارے لیے بے کار ہیں۔۔۔۔کہ ہمیں‌اس طرح کے کھانوں سے سخت پرہیز ہے۔۔۔۔اور مجھے امید ہے کہ مجھ ایسے پرہیزی کئی اور بھی ہونگے۔۔۔۔مگر کھانے سے پرھیز ہے۔۔۔۔اس لیے بنانے والے۔۔۔۔۔اور کھانے والے لگے رہیں۔۔۔۔۔۔کہ ہم دیکھ تو سکتے ہیں۔۔۔۔۔اور اس کے علاوہ اس بات کی بھی بہترین ضمانت ہے کہ ہم کسی کو کچھ بھی نہیں‌بتائیں گے۔۔۔۔۔۔۔اور جو بھی بھولا بھٹکا۔۔۔یہاں تک آجائے گا۔۔۔۔۔ہم انھیں شریک محفل ہونے سے بھی ہرگز ہرگز نہیں‌روکیں گے۔۔۔۔۔۔۔واصف بھائی داد قبول ہو۔۔۔۔۔آپ کو تو انھوکی خیالات کے دریا بہا دیے ہیں۔۔۔۔بلکہ یوں‌کہنا چاہیے کہ دُر بے بہا دیے ہیں۔