نیو دسمبر ۔۔۔

یہ موسم اداسیوں کا
دسمبر تلخ یادوں کا ھے
#حنا_شیخ

 

کلامِ دسمبر کی ایسی کی تیسی
اور اس کے سخن ور کی ایسی کی تیسی
دوبارہ یہ چخ چخ اگر میں نے سن لی
تو قندِ مکرر کی ایسی کی تیسی
اسی ماہ محبوبہ بھاگی سبھی کی
تمھارے مقدر کی ایسی کی تیسی

راحیلؔ فاروق

 

ہاہاہاہا ،،

 

سندھ کے دیہات کی ایک ثقافت ھے کی مہان جب چائے کا کپ سوسئر میں الٹا نا رکھ دے وہ چائے ڈالتے رہتے ھیں ۔۔ اس مناسبت سے
محبوب کے گھر کی چائے ۔۔

چائےکا کپ نا لٹا میں نے
دسمبر کی رات کو
اک طلب تھی اس کو
دیکھنے کی چاہ میں
کتنے ہی کپ پی لیے
دسمبر کی رات کو
#حناشیخ

 

جی بلکل صیح ،،، عرب اور سندھ کی بہت سی بات ، ملتی ہیں ، سندھ میں مردوں کی جہاں بیٹھک جمتی ھو اس کو اوطاق کہا جاتا ہے ادھر بھی عورتوں کی الگ محفل ہوتی ہیں ،،، جدہ میں ہم آپکا جانا کورنش ہو تو آپ دیکھیں گے کے زیادہ تر مرد الگ فیملی سے ہٹ کر بٹھے ہوتے ہیں ور عورتیں الگ اپنی محفل جمتی ہیں ، یہاں بھی شیشہ کا رواج ہے اور اس کو برا نہیں سمجھ جاتا اور اندروں سندھ بھی حقہ بہت چلتا ہے اور اس کو برائی میں نہیں لیا جاتا پہلے اور عورتیں بھی سندھ کی پیتی ہیں اپنے گھروں میں ،،،،

 

دسمبر کی ٹھنڈی رات میں ٹھنڈے یخہ ہاتھ
آج بھی ڈھونڈتے ہیں تیرے ہاتھوں کو میرے ہاتھ
#حنّاشیخ

 

ہاہاہا ،،،، واقعی تم خاص ہو

 

آخری چند دن دسمبر کے
ہر برس ہی گراں گزرتے ہیں
خواہشوں کے نگار خانے میں
کیسے کیسے گماں گزرتے ہیں
رفتگاں کےبکھرتے سالوں کی
ایک محفل سی دل میں سجتی ہے
فون کی ڈائری کے صفحوں سے
کتنے نمبر پکارتے ہیں مجھے
جن سے مربوط بے نوا گھنٹی
اب فقط میرے دل میں بجتی ہے
کس قدر پیارے پیارے ناموں پر
رینگتی بدنما لکیریں سی
میری آنکھوں میں پھیل جاتی ہیں
دوریاں دائرے بناتی ہیں
دھیان کی سیڑھیوں میں کیا کیا عکس
مشعلیں درد کی جلاتے ہیں
ایسے کاغذ پہ پھیل جاتے ہیں
حادثے کے مقام پر جیسے
خون کے سوکھے نشانوں پر
چاک کی لائنیں لگاتے ہیں
ہر دسمبر کے آخری دن میں
ہر برس کی طرح اب بھی
ڈائری ایک سوال کرتی ہے
کیا خبر اس برس کے آخر تک
میرے ان بے چراغ صفحوں سے
کتنے ہی نام کٹ گئے ہونگے
کتنے نمبر بکھر کے رستوں میں
گرد ماضی سے اٹ گئے ہونگے
خاک کی ڈھیریوں کے دامن میں
کتنے طوفان سمٹ گئے ہونگے
ہردسمبر میں سوچتا ہوں میں
ایک دن اس طرح بھی ہونا ہے
رنگ کو روشنی میں کھونا ہے
اپنے اپنے گھروں میں رکھی ہوئی
ڈائری ،دوست دیکھتے ہونگے
ان کی آنکھوں کے خاکدانوں میں
ایک صحرا سا پھیلتا ہوگا
اور کچھ بے نشاں صفحوں سے
نام میرا بھی کٹ گیا ہوگا

 

در و دیوار پر سایہ پڑا ہے
ہواؤں میں نمی کا ذائقہ ہے

کوئی طوفان ہے کچا گھڑا ہے
نگاہ شوق منزل آشنا ہے

وہی کنج قفس ہے اور ہم ہیں
وہی امید کا جلتا دیا ہے

میں آئینے میں خود کو کھوجتا ہوں
یہ گاؤں کب کا خالی ہو چکا ہے

دسمبر کی کہانی اور کچھ تھی
مرے دل کا اجڑنا حادثہ ہے

غم عقبیٰ غم دوراں غم دل
ہمیں کتنا بنایا جا رہا ہے

یہاں انسان بوئے جا رہے ہیں
یہ جنگل اس لیے کاٹا گیا ہے

قبیلہ قافلہ قیدی قطاریں
یہ منظر شام تک پھیلا ہوا ہے

یہ رستہ دور تک جاتا ہے راحلؔ
ہمیں پیچھے بھی مڑ کر دیکھنا ہے