نہیں تو نے جو بنایا تجھے حمد ہے خدایا ۔محمد اویس راجا

نہیں تو نے جو بنایا تجھے حمد ہے خدایا
مرے مصطفی کا سایا تجھے حمد ہے خدایا

ترے کن سے ابتدا ہے یہ جہانِ رنگ و بو بھی
تجھے تو نے خود بنایا تجھے حمد ہے خدایا

میں تو گر گیا تھا کب کا ، تھی کہاں سکت کہ اٹھتا
مجھے تو نے ہے اٹھایا تجھے حمد ہے خدایا

مرے سر پہ تو نے رکھ دی یہ کرم کی اپنے چھتری
نہیں مجھ کو آزمایا تجھے حمد ہے خدایا

ترے ڈر سے کچھ زیادہ تری رحمتیں تھیں حاوی
میں گنہ جو کر نہ پایا تجھے حمد ہے خدایا

کسی غم نے جب پچھاڑا کسی درد نے لتاڑا
جو میں پھر بھی مسکرایا تجھے حمد ہے خدایا
---
محمد اویس راجا​

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

سبحان اللہ
بہت عمدہ
جزاک اللہ خیراً کثیرا​

 

اللہ تعالیٰ آپ کو بھی جزائے خیر عطا کرے آمین

 

ثمہ آمین یا رب العالمین