نماز میں کپڑوں کےاندر سدل کرنا

نماز میں کپڑوں کےاندر سدل کرنا :

نبی کریمﷺنے نماز کے اندر کپڑوں میں سدل کرنے سے منع فرمایا ہے ۔

اس میں تین چیزیں قابل ِ وضاحت ہیں :
(1) سدل کا معنی ۔ (2) سدل کا حکم۔ (3) سدل کا مصداق ۔

سدل کامعنی :
سدل لغت میں ”الْإِرْخَاءُ وَالْإِرْسَالُ “ یعنی چھوڑنے اور لٹکانے کو کہا جاتا ہے۔اور اِصطلاح میں ”الْإِرْسَالُ بِدُونِ الْمُعْتَادِ “کپڑے کو خلافِ عادت طریقے سے لٹکانا۔
(مرقاۃ المفاتیح:2/631)

سدل کا حکم :
مکروہ تحریمی ہے ، نماز مکروہ ہوجاتی ہے ۔

سدل کا مصداق :
اس کی کئی تفسیریں کی گئی ہیں :

کپڑے کو سر یا کندھے پر ڈال کر دونوں طرف سے لٹکادیا جائے ۔
ایک کپڑے کو بدن پر اس طرح لپیٹ لیا جائے کہ ہاتھ پیر اندر ہوں ۔
اسبال ِ ازار یعنی ٹخنوں کے نیچے کپڑا لٹکانا ۔
لباس کے پہننے کا معروف طریقہ چھوڑ کر بے ڈھنگا پن اختیار کرنا ۔
(درس ِ مشکوۃ :257)(مرقاۃ)