نقش پا جب سے ہوا دل پہ حجر کی صورت ۔۔ محمد فیضان خاکی

نقش پا جب سے ہوا دل پہ حجر کی صورت
دل کا ہر داغ چمکتا ہے قمر کی صورت

ہر خفی چیز نظر آتی ہے ظاہر باہر
عشقِ سرکارِ مدینہ ‌ ہے سحر کی‌ صورت

روز محشر تو خوشی ہوگی اسی کو حاصل
جس کو ‌ اعمال نظر آئیں درر کی صورت

جب کبھی پیارے نبیﷺ کا کوئی گستاخ ہوا
ٹوٹ پڑتے ‌ ہیں سبھی اس پہ قہر کی صورت

ان کی رحمت ہے بچا لیتی ہے طغیانی سے
گرچہ غم آتے ہی رہتے ہیں لہر کی صورت

ان کی رحمت جو کبھی جوش میں آئے پھر تو
انگلیاں دیکھ لو ان کی ہیں نہر کی صورت

ان ‌کی رحمت نہ چھپی ہے نہ چھپے گی خاکی
ہر طرف ظاہر و باہر ہے دوپہر کی صورت
----
محمد فیضان خاکی
عالمی واٹسپ گروپ "بزم نعت" کا چوہترواں شاندار طرحی مشاعرہ
فروری 2019​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین