نعت پاک ﷺ

مجھے فکروفن کا نہیں ہے قرینہ

فقط کہ رہا ہوں مدینہ مدینہ

…

مدینہ ہی بن جائے منزل ہماری

مدینہ جو جاؤں تو لوٹوں کبھی نہ

…

جنت کی خوشبو بھی ملنے لگی ہے

نظر آرہا ہے دیارِ مدینہ

…

محمدﷺ جو راضی خدا بھی ہے راضی

نقوشِ قدم ان کے جنت کا زینہ

…

شفاعت کریں گے ہم عاصیوں کی

وہ شافعِ محشر ہیں شاہِ مدینہ

…

نبیؐ کی ہدایت خدا کاصحیفہ

ہم تک یہ پہنچا ہے سینہ بہ سینہ

…

اپنی یہ دل کی تمنّا ہو پوری

ہو میری بھی قسمت میں خاکِ مدینہ

…

کشتی نہ ڈوبی جو طوفانِ نوحؑ میں

محمد ﷺکی امّت کا ہے وہ سفینہ

…

نبیؐ سے محبت کا انعام پایا

چمکتے ہیں الفاظ بن کر نگینہ

…

مجھے نعت کہنی ہے محفل سجاؤ

صلی اعلی جمالؔ بزم شبینہ

جمالؔ کاکوی​

 

محمدﷺ جو راضی خدا بھی ہے راضی
نقوشِ قدم ان کے جنت کا زینہ​

 

شفاعت کریں گے ہم عاصیوں کی
وہ شافعِ محشر ہیں شاہِ مدینہ​

 

اپنی یہ دل کی تمنّا ہو پوری
ہو میری بھی قسمت میں خاکِ مدینہ​

 

سبحان اللہ
اللہ تعالیٰ جزائے خیر عطا کرے آمین ​

 

آمین
بہت بہت شکریہ
جزاک اللہ خیراً کثیراً