نعت رسول اعظم صلی اللہ علیہ وسلم

صدرِ بزم رسالت محمد انبیاء کے امام آرہے ہیں
گاؤ صلِ علیٰ کے ترانے شاہِ خیر الانعام آرہے ہیں
آج بزمِ جہاں کو سجاؤ ، شادیانے خوشی کے بجاؤ
خیرمقدم کو گھر آمنہ کے حور و غلماں تمام آرہے ہیں
وہ ہیں محمود و حامد محمد، وہ ہیں وجہِ کرم شانِ رحمت
باادب اپنے سر کو جھکا ؤ، صاحبِ احترام آرہے ہیں
حشر میں بھی کرم ہم پہ ہوگا، مسکرا کر کہیں گے یہ آقا
دیکھنا ان میں مطرب بھی ہوگا،یہ جو چشتی غلام آرہے ہیں

صلی اللہ علیہ وسلم