نعتﷺ نے سنبھالی ہے میری بے زبانی بھی ۔۔ مسعود علی شاہ

نعتﷺ نے سنبھالی ہے میری بے زبانی بھی
معتبر ہُوئے جس سے حرف بھی، معانی بھی

تیری نعت پڑھتا ہُوں، تیری نعت لکھتا ہُوں
جاتے جاتے رکھ لوں گا ساتھ یہ نشانی بھی

قبر کا ہے کیا دھڑکا، حشر کی ہے کیا تلخی
نعت ہے جو کرتی ہے میری پاسبانی بھی

مَیں بھی ہُوں ترا بَردہ، جیسے میرے آبا تھے
نسبتِ تفاخر ہے راس بھی، پُرانی بھی

تیرا نام لیں گے اور سُوئے خُلد چل دیں گے
یونہی اپنا چلتا ہے نظمِ زندگانی بھی

کیا عجب بہار آئی آمنہ کے گُلشن میں
جشن میں ہُوئے شامل سارے آسمانی بھی

تیرے ذِکر کے باعث لذتِ سخن قائم
نعت سہل کرتی ہے میری سرگرانی بھی

دھڑکنوں سے بُنتا ہُوں نعت کے نئے صیغے
حرف کر نہیں پائے ایک ترجمانی بھی

پہلے خود کو رکھتا ہُوں آل کے سفینے میں
پھِر صحابہ کرتے ہیں کارِ بادبانی بھی

آپ ہی نکھاریں اب، آپ ہی سنبھالیں گے
اپنے ساتھ لایا ہُوں عجز و ناتوانی بھی

جانتا ہُوں یہ تیرا جودِ خاص ہے ورنہ
نعت کے نہیں لائق میری خوش بیانی بھی
--------
مسعود علی شاہ
Maqsood Ali Shah


​

 

تیرا نام لیں گے اور سُوئے خُلد چل دیں گے
یونہی اپنا چلتا ہے نظمِ زندگانی بھی​

 

کیا عجب بہار آئی آمنہ کے گُلشن میں
جشن میں ہُوئے شامل سارے آسمانی بھی​

 

جانتا ہُوں یہ تیرا جودِ خاص ہے ورنہ
نعت کے نہیں لائق میری خوش بیانی بھی​

 

سبحان اللہ & جزاک اللہ

 

اللہ تعالٰی آپ کو بھی جزائے خیر عطا کرے آمین