نعتِ سرکار سرورِ دوعالم ﷺ

نبیﷺ کی یاد ہی سے روح مومن شاد ہوتی ہے
نبیﷺ کے ذکر ہی سے بزم دل آباد ہوتی ہے

نبیﷺ سے عشق کا دعویٰ سر آنکھوں پر مگر اے دوست
محبت کیا عمل کی قید سے آزاد ہوتی ہے

ہم ایسے خود غرض عشاق ہیں جو اپنے آقاﷺ کی
اطاعت بھول جاتے ہیں، شفاعت یاد رہتی ہے

عموما مسخ ہو جاتی ہے عقل و فہم انسانی
جب اندھی پیروی ء آباؤ و اجداد ہوتی ہے

وہیں تعمیر ہوتے ہیں عماراتِ عمل اے دوست
جہاں عشقِ نبی ﷺ ایمان کی بنیاد ہوتی ہے

جسے ہم اصطلاحِ شاعری میں نعت کہتے ہیں
حقیقت میں دلِ بے تاب کی رُوداد ہوتی ہے

میں جب اشعار کہنے بیٹھتا ہوں مدحِ آقاﷺ کی
تو میری شاعری کی غیب سے امداد ہوتی ہے

 

اللہ آپ کو ھمیشہ خوش رکھیں آمین