نعتِ رحمت العالمین

بسم اللہ الرحمن الرحیم
سبحان اللہ وبحمدہ سبحان اللہ العظیم
الھم صلی علی محمد :saw: وعلی آل محمد :saw:


نعتِ رحمت العالمین :saw:
(از: اطہر سہارنپوری، ہندوستان)

فخر زماں ہو، فخر نبوت تم ہی تو ہو
دونوں جہاں ہیں جسکی بدولت تم ہی تو ہو
ہم عاصیوں کا تم ہی سہارا ہو یا نبی :saw:
ہم پر خدائے پاک کی رحمت تم ہی تو ہو
ہر اک نبی نے جس کی رسالت کا دَم بھرا
وہ بے مثال نازِ رسالت تم ہی تو ہو
معراج میں یہ راز مشیت عیاں ہوا
ہے عظمتوں سے بڑھ کے جو عظمت تم ہی تو ہو
پہچان تم نے دی ہمیں رب کریم کی
بتلایا جس نے طرزِ عبادت تم ہی تو ہو
ہمسر تمہارا کوئی نہیں دوجہان میں
ہر شے پہ جس نے پائی فضیلت تم ہی تو ہو
انساں کو جس نے درسِ مساوات ہے دیا
وہ موجد نظام مودت تم ہی تو ہو
قربان کیوں نہ جائیں محمد :saw: کے نام پر
ملتی ہے جس کے نام سے راحت تم ہی تو ہو
اطہر کو بخششوں کا یقیں ہو نہ کس لئے
محشر میں جو کریں گے شفاعت تم ہی تو ہو​

 

جزاک اللہ مبارز جی

 

شکریہ خوشی جی۔۔جیتی رہیں۔۔۔اللہ رب العزت آپ کو خوش و خرم رکھے۔۔آمین۔۔ثم آمین۔۔

 

:saw: :saw: :saw: :saw: :saw:
جزاک اللہ ۔ پیارے کاشفی بھائی ۔
بہت خوبصورت نعت شریف ہے۔ :mashallah:

 

دوست :mashallah: سبحان اللہ جزاک اللہ

 

:mashallah:
جزاک اللہ

 

پسندیدگی کے لیئے شکریہ۔۔۔سب خوش رہیں۔۔

 

کرم یہ مجھ پہ ہمیشہ شاہِ امم رکھیئے
میں خاک ہوں مجھے وابستہ قدم رکھیئے
سند ملے گی اسی در سے سرفرازی کی
جبینِ دل کو در مصطفے (صلی اللہ علیہ وسلم ) پہ خم رکھیئے
مجھے تو مانگنا آتا نہیں میں کیا مانگوں
میری طلب کا شہہ دوسرا بھرم رکھیئے
تمام نسبتیں قربان انکی نسبت پر
درِ حضور (صلی اللہ علیہ وسلم ) کی نسبت کو محترم رکھیئے
ثنا حضور کی خالد نہ ہو سکے گی رقم
کسی کے بس کی نہیں بات ، اب قلم رکھیئے

 

واہ واہ واہ۔ سبحان اللہ ۔ بجا فرمایا ۔
ایک نعتیہ قطعہ یاد آگیا ۔۔

نہ ہوا تجھ سا حسین، تیری قسم تیرے بعد
حُسن نے پایا نہ یہ جاہ و حشم تیرے بعد
دیکھ کر غور سے تصویرِ سراپا تیری
رکھ دیا کاتبِ قدرت نے قلم، تیرے بعد​

 

سبحان اللہ ۔ وجدان انگیز نعت شریف ہے

 

جزاک اللہ بے باک جی بہت خوب


مجھے تو مانگنا آتا نہیں میں کیا مانگوں
میری طلب کا شہہ دوسرا بھرم رکھیئے

 

جزاک اللہ

 

جزاک اللہ۔۔بہت خوب۔۔

 

اے کاش وہ دن کب آئیں گے جب ہم بھی مدینہ جائیں گے
دامن میں مرادیں لائیں گے جب ہم بھی مدینہ جائیں گے

بیتابی الفت کی دھن میں ہم دیدہ ودل کے بربط پر
توحید کے نغمے گائیں گے جب ہم مدینہ جائیں گے

تھامیں گے سنہری جالی کو چومیں گے معطر پردوں کو
قسمت کو ذرا سلجھائیں گے جب ہم بھی مدینہ جائیں‌گے

زم زم میں بھگو کر دامن کو سر مستی عرفاں پائیں گے
کوثر کے سبو چھلکائیں گے جب ہم بھی مدینہ جائیں‌گے

ہنستی ہوئی کرنیں پھوٹیں گی ظلمات کے قلعے ٹوٹیں گے
جلووں کے علم لہرائیں گے جب ہم بھی مدینہ جائیں گے

ہم خاک درِ اقدس لے کر پلکوں پہ سجائیں گے ساغر
یوں دل کا چمن مہکائیں گے جب ہم بھی مدینہ جائیں گے