نبی کے رازداں ہیں آپ جعفر بن ابی طالب ۔ بلال رشید

نبی کے رازداں ہیں آپ جعفر بن ابی طالب
وفا کی داستاں ہیں آپ جعفر بن ابی طالب
تقدس پرچم اسلام کا جس نے سکھایا ہے
وہ عظمت کا نشاں ہیں آپ جعفر بن ابی طالب
نہیں جن سا جری گزرا عرب کی پاک دھرتی میں
بجا وہ نوجواں ہیں آپ جعفر بن ابی طالب
خدا کی خاص رحمت سے شہیدوں کے قبیلے کے
امیر و حکمراں ہیں آپ جعفر بن ابی طالب
شجاعت کی اقامت مرتضی شیر خدا ٹھہرے
شجاعت کی اذاں ہیں آپ جعفر بن ابی طالب
کہا خود روم کا لشکر شجاعت دیکھ کر انکی
ہمارا امتحاں ہیں آپ جعفر بن ابی طالب
روانہ اس ادا سے ہو رہا ہے کارواں حبشہ
کہ اس کے پاسباں ہیں آپ جعفر بن ابی طالب
عشاق مرتضی ہیں آپ پر سو جان سے قرباں
امام عاشقاں ہیں آپ جعفر بن ابی طالب
کہا تقریر سن کر آپ کی ہر اک مہاجر نے
محمد کی زباں ہیں آپ جعفر بن ابی طالب
ہے اتنا ہی بلال حق نوا میرے لیئے کافی
کہ مجھ پر مہرباں ہیں آپ جعفر بن ابی طالب​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین