نبیﷺ کی آل سے الفت جو والہانہ ہے ۔ سید اعجاز حسین نایاب

نبیﷺ کی آل سے الفت جو والہانہ ہے
قسم خدا کی یہ جینے کا اک بہانہ ہے

عزا کا فرش بچھاتا ہوں میں بھی دنیا میں
مجھے یقین ہے جنت میرا ٹھکانہ ہے

یہ کل کو حشر میں مثل گہر ملے گا تجھے
غم حسین میں آنسو مجھے بہانا ہے

جہاں سے مٹ گیا نام یزید اک پل میں
مرے حسین کا عاشق سبھی زمانہ ہے

قلم اٹھاتے ہی مدح نبی میں لکھتا ہوں
مرا مزاج بھی اس قدر شاعرانہ ہے

نکل کے پردے سے اب آئیے مرے مولا
بنانا بنت محمدﷺ کا آستانہ ہے

نہ ہوگا ظلم کا حامی کسی بھی صورت وہ
مرے حسین کا نایاب جو دیوانہ ہے
-----
سید اعجاز حسین نایاب
98 واں ہفتہ وار فی البدیہہ طرحی مشاعرہ 29 تا 30 جولائی
پیشکش فیس بک ٹائمز انٹرنیشنل ​

 

جہاں سے مٹ گیا نام یزید اک پل میں
مرے حسین کا عاشق سبھی زمانہ ہے​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین