نبیﷺ کا عشق سلامت ، رہے وفا محفوظ ۔۔ شفیق رائے پوری

نبیﷺ کا عشق سلامت ، رہے وفا محفوظ
پھر اس کے بعد ہے جنت کا راستہ محفوظ

وہ جس نے آتش عشق نبیﷺ لگا لی ہے
سمجھ لو نار جہنم سے ہوگیا محفوظ

نبیﷺ کے نام کا طغرا لگائے بیٹھے ہیں
نہ کیوں بلاوں سے ہو اپنا گھر بھلا محفوظ

یہ مہروماہ بھی کرتے ہیں جس سے کسب نور
وہ آفتاب ہے طیبہ میں نور کا محفوظ

ہیں جس میں عشق رسالت مآب کے جوہر
غم و الم سے رہے گا وہ دل سدا محفوظ

بروز حشر یہی ہم کو بخشوائے گا
*ہمارے دل میں رہے عشق مصطفٰیﷺ محفوظ*

بلائیں جتنی ہیں کترا کے اس سے چلتی ہیں
شفیق بن کے گدا تیرا ہوگیا محفوظ
-----
شفیق رائے پوری
بزم نعتﷺ عالمی واٹس ایپ گروپ "بزم نعت" کا پچپنواں شاندار طرحی مشاعرہ 11 جولائی 2018
​

 

بروز حشر یہی ہم کو بخشوائے گا
*ہمارے دل میں رہے عشق مصطفٰیﷺ محفوظ*​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین