نانِ جَوِی پہ گر چہ گزارا علیؑ کا ہے ۔محتشم احتشام

نانِ جَوِی پہ گر چہ گزارا علیؑ کا ہے
شاہ وگدا کو پھر بھی سہارا علی ؑ کاہے

اصحابِ باوفا کی ہو یا بزمِ پنجتن ؑ
دیکھو جہاں وہاں پہ نظارا علیؑ کا ہے

ہے جسکے پھریرے تلے محفوظ کائنات
*پرچم نبی کا چاند ستارہ علی ؑ ہے*

دریائے عافیت میں خدا اور نبی کے بعد
ہر موج ہے علی ؑ کی کنارہ علی ؑ کا ہے

سردےکے جسنے دینِ خدا کو حیات دی
دِلبندِ فاطمہؑ ہے دُلارا علی ؑ کا ہے

سرکارِ انبیاء کا ہے فرمان محتشم
پیارا میرا وہی ہے جو پیارا علی کا ہے
----
*محتشم احتشام*​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالٰی آپ کو بھی جزائے خیر عطا کرے آمین