نام نہاد آزادیء نسواں سے ستائی ہوئی عورت کے نام

نام نہاد آزادیء نسواں سے ستائی ہو

<center>
تو جو ماں ہے تو ممتا کا کوہِ گراں
بہن ہے تو وفا کا وسیع آسماں

ہے جو بیٹی تو دھیما ہے تیرا مزاج
اور بیوی کی صورت میں گھر کی ہے لاج

کتنے سُندر تھے تیرے یہ رشتے تمام
تیرے ہاتھوں میں تھی نسلِ نو کی زمام

چھوڑ کر اپنے مسکن کو نکلی تو جب
تجھ پہ نازل ہوا پھر خدا کا غضب

نعرہ دے کر مساوات کا لائی گئی
نام پر فن کے بولی لگائی گئی

پھر تقدس بھی پامال تیرا ہوا
فن کی شہرت میں گھر بار سب کچھ گیا

تو ستائی گئی تو رُلائی گئی
حد تو یہ ہے کہ زندہ جلائی گئی

چھین لے اپنا منصب تو کھویا ہوا
تھام لے بڑھ کے پھر سے تو اپنی رِدا

یوں رُلائی نہ جائے گی پھر تو کبھی
اور جلائی نہ جائے گی پھر تو کبھی

پھر ملے گا تقدس وہ کھویا ہوا
ہوگا بیدار دل تیرا سویا ہوا

(شہناز خالد)
</center>

 

لیکن پھر بھی ہماری ظاہر بینی ہمیں دنیا میں غرق رکھتی ہے۔

 

ظاہر بینی کے باوجود بے حِسی کیوں

عورت کے ہر روپ کے نام !!!
اُٹھ باندھ حجاب کا چرچا ہے پھر خُدا کیا کرتا ہے
پھر ملے گا تقدس وہ کھویا ہوا
ہوگا بیدار دل تیرا سویا ہوا

 

شاندار

 

نعرہ دے کر مساوات کا لائی گئی
نام پر فن کے بولی لگائی گئی

پھر تقدس بھی پامال تیرا ہوا
فن کی شہرت میں گھر بار سب کچھ گیا​

بالکل صیح لکھا آپ نے!

 

سچ کہا ۔

کاش آزادیء نسواں کے نام پر مغرب کی تقلید میں گم ہو کر اسلامی و مشرقی اقدار کو فراموش کر دینے والی عورت اسلام کی طرف سے عورت کو عطا کی جانے والی حقیقی آزادی و عظمت کو سمجھ سکے۔

اور یہی دعا مغرب زدہ جوانوں کے لیے بھی ہے

 

آمین ثم امین ۔۔۔

بہت خوبصورت بات لکھی ہے