نابالغ بچوں کی شادی پر پابندی غیراسلامی۔ دوسری شادی کیلیےمردکو پہلی بیوی سے اجازت ضروری نہیں

نابالغ بچوں کی شادی پر پابندی غیر اسلامی ہے
تاہم رخصتی کے وقت بلوغت کا ہونا لازمی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرد کو دوسری شادی کے لیے پہلی بیوی سے اجازت لینا ضروری نہیں
پاکستان کے عائلی قوانین میں تبدیلی کا مطالبہ کرتے ہیں
ڈان نیوز ٹی وی تاریخ اشاعت 11 مارچ, 2014​

اسلام آباد: اسلامی نظریاتی کونسل (سی آئی آئی) نے کم عمری میں شادی پر پابندی کو غیر اسلامی قرار دے دیا ہے۔

ڈان نیوز کے مطابق کونسل کے دو روزہ اجلاس کے اختتام پر کہا گیا کہ بچوں کی شادی کیلئے کم سے کم عمرکا تعین نہیں کیا جاسکتا۔

اجلاس کے دوران کہا گیا کہ اسلامی تعلیمات کے مطابق کم عمری کی شادی کی ممانعت نہیں ہے۔

اجلاس میں مزید کہا گیا کہ نکاح کے لیے کوئی عمر مقرر نہیں کی جاسکتی تاہم رخصتی کے لیے بلوغت کا ہونا لازمی قرار دیا گیا۔

خیال رہے کہ گزشتہ روز کی ملاقات کے دوران چیئرمین مولانا محمد خان شیرانی نے کہا تھا کہ پہلی بیوی کی موجودگی میں دوسری شادی کے قوانین مذہبی اصولوں کے خلاف ہیں۔

اسلامی نظریاتی کونسل کے اجلاس کے بعد میڈیا سے بات کرتے ہوئے انہوں نے کہا ’’شریعت اجازت دیتی ہے کہ کوئی شخص ایک سے زیادہ شادی کرسکتا ہے اور ہم مطالبہ کرتے ہیں کہ حکومت پہلی بیوی کی اجازت کے قانون میں ترمیم کرے۔‘‘

یاد رہے کہ پاکستانی قوانین کے مطابق کسی بھی شخص کو دوسری شادی کرنے کے لیے اپنی پہلی بیوی سے اجازت لینا لازمی ہے۔

قوانین میں یہ لازمی ہے کہ کوئی بھی شخص اگر دوسری شادی کرنا چاہتا ہے تو وہ تحریری طور پر اپنی موجودہ بیوی یا بیویوں کو مطلع کرے۔

انہوں نے کہا کہ حکومت کو ایک سے زائد شادی کرنے کے عمل کو شریعت کے مطابق آسان بنانے کے لیے اس قانون میں ترمیم کرنی چاہیے۔

قوانین کے مطابق خواتین کے لیے شادی کی کم سے کم عمر 16 جبکہ مردوں کے لیے 18 ہونا لازمی ہے۔

بشکریہ ۔ ڈان نیوز اردو

 

یاد رہے چئیرمین اسلامی نظریاتی کونسل مولانہ محمد خان شیرانی جمعیت علمائےاسلام فضل الرحمن گروپ کے ایم این اے بھی ہیں۔

 

ان مولویوں کا مرغوب مضمون ہے 4 بیویاں اور 70 حوریں!

 

اور شیطان اپنا منہ چھپائے پھرتا ہے۔

 

ایسے تنگ نظر و کم فہم مولویوں کو پاکستان کے سب سے بڑے اسلامی تحقیقی ادارے کی باگ دوڑ سونپنا دراصل اسلام اور پاکستان کو بدنام کرنے کا منصوبہ ہے۔

 

ایسے جاہلوں کی بہت بڑی کھیپ تیار ہوچکی ہے۔ اور جو ان کے خیالات سے متصادم ہو، اسے یہ کافر کہہ کر سنگسار بھی کرسکتے ہیں۔

 

معنی بدل چکے ہیں شریعت و جمہوریت کے
جو تم سے اختلاف کرے ، گردن ہی کاٹ دو