نائبِ قدرت کے نورِ عین عثمانِ غنی رضی اللہ عنہ(از مظفؔر وارثی)

نائبِ قدرت کےنورِ عین عثمانِ غنی
جامع القرآن، ذوالنورین عثمانِ غنی

ہے صراطِ استقامت کی طرح تیرا وجود
نیکی و ایثار کے مابین عثمانِ غنی

تیرا تقوٰی آسمانِ صبر کو چھوتا ہوا
تیری فیاضی بہت بے چین عثمانِ غنی

قربتِ پیغمبرِ عالی تھی تیرا سرمایہ
تاج ہیں میرا، ترے نعلین عثمانِ غنی

کربلا سے جا ملا تیرے لہو کا سلسلہ
تیرے دربانوں میں تھے حسنین عثمانِ غنی

میں مظؔفر ذات کے حجرے میں اک جلتا چراغ
آفتابِ مطلعِ شرقین عثمانِ غنی

مجموعہِ کلام : بابِ حرم​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالٰی آپ کو بھی جزائے خیر عطا کرے آمین