نئی بیت بازی - حصہ دوم

دل سے ہیں آنکھ تلک شور زمینیں شاید
ورنہ اس طرح نہیں ہوتا نمک پانی میں

 

تجھ کو پا کر بھی نہ کم ہوسکی بیتابی دل
اتنا آسان تیرا عشق کا غم تھا ہی نہیں

 

کہیں دل ہوں، کہیں باعثِ بیتابی دل ہوں
کہیں اندازِ بسمل کہیں میں نازِ قاتل ہوں

 

لطف وہ عشق میں پائے ہیں کہ جی جانتا ہے
رنج بھی ایسے اٹھائے ہیں کہ جی جانتا ہے

 

ہے ازل کی اس غلط بخشی پہ حیرانی مجھے
عشق لافانی ملا ہے، زندگی فانی مجھے

 

ازل سے اک عذابِ قبول و رد میں ہوں
کبھی خدا تو کبھی ناخدا کی زد میں ہوں

 

یہ کس نے ہم سے لہو کا خراج پھر مانگا
ابھی تو سوئے تھے مقتل کو سرخرو کر کے

 

نگاہ فقر میں ' شان سکندری کیا ھے
خراج کی جو گدا ہو وہ قیصری کیا ھے
بتوں سے تجھ کو امید یں خدا سے نومیدی
مجھے بتا تو سہی 'اور کافری کیا ھے

 

اک فرصت گناہ ملی وہ بھی چار دن
دیکھے ہیں ہم نے حوصلے پروردگار کے

 

کٹ گئی احتیاطِ عشق میں عمر
ہم سے اظہار مدعا نہ ہوا

 

ناصحا تجھ کو خبر کیا کہ محبت کیا ہے
روز آ جاتا ہے سمجھاتا ہے کہ یوں ہے، یوں ہے

 

ﮐﻮﭼﮧ ﺀ ﻋﺸﻖ ﮐﯽ ﺭﺍﮨﯿﮟ ﮐﻮئی ﮨﻢ ﺳﮯﭘﻮﭼﮭﮯ
ﺧﻀﺮ ﮐﯿﺎ ﺟﺎﻧﯿﮟ ﻏﺮﯾﺐ، ﺍﮔﻠﮯ ﺯﻣﺎﻧﮯ ﻭﺍﻟﮯ

 

محبت گولیوں سے بو رہے ہو
وطن کا چہرہ خوں سے دھو رہے ہو
گماں تم کو کہ رستہ کٹ رہا ہے
یقیں مجھ کو کہ منزل کھو رہے ہو

 

اِک پھول ہے گلاب کا آج اُنکے ہاتھ میں
دھڑکا مجھے یہ ہے کہ کسی کا جگر نہ ہو

 

دوست دارِ دشمن ہے! اعتمادِ دل معلوم
آہ بے اثر دیکھی، نالہ نارسا پایا

 

روٹھ جانے کی ادا ہم کو بھی آتی ہے
کاش ہوتا کوئی ہم کو بھی منانے والا