میں نہیں ڈرتا ۔ ۔ ۔ ۔ ۔ میں ڈرتا ہوں

نہیں میں ڈرتا کانٹوں سے ، مگر پھولوں سے ڈرتا ہوں
چبھن دے جائیں جو دل کو ، میں ان باتوں سے ڈرتا ہوں
انا کا میں نہیں قائل ، محبت ہے مجھے سب سے
جو دل میں بغض رکھتے ہیں ، میں ان اپنوں سے ڈرتا ہوں
مجھے تو نیند بھی اچھی نہیں لگتی حقیقت میں
دکھائیں خواب جو جھوٹے ، میں ان نیندوں سے ڈرتا ہوں
مجھے احساس ہے سب کا ، میں سب کے کام آتا ہوں
مگر جو کینہ رکھتے ہیں ، میں ان رشتوں سے ڈرتا ہوں
میں بندہ ہوں اللہ کا ، اور اللہ کا خوف ہے مجھ کو
جو ڈرتے ہی نہیں رب سے ، میں ان بندوں سے ڈرتا ہوں
( بشکریہ : عسکری خان )