میں مدینہ شہر آیا، تجھے حمد ہے خدایا ۔ احمد وصال

میں مدینہ شہر آیا، تجھے حمد ہے خدایا
مجھے راستہ دکھایا، تجھے حمد ہے خدایا

میں کروں بیان کیسے ترے لاڈلے کی مدحت
نہیں جس کا کوئی سایہ، تجھے حمد ہے خدایا

یہ زمیں بنائی تو نے ، ہوں فلک کو محوِ حیرت
اس بے ستوں بنایا، تجھے حمد ہے خدایا

تو نے شان مصطفی کی مرے دل کو آگہی دی
مجھے امتی بنایا، تجھے حمد ہے خدایا

تو رحیم، احد، صمد ہے تو ہی پالتا، تو رب ہے
ترا ذکر لب پہ آیا، تجھے حمد ہے خدایا

میں کروں بیان کیسے ہے جو حق تری ثنا کا
جو سنا ہے وہ سنایا، تجھے حمد ہے خدایا

ہو قبول تیرے در میں، یہ جو تیرا حمد گایا
تجھے حمد ہے خدایا، تجھے حمد ہے خدایا
----
احمد وصال​

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

جزاک اللہ خیراً کثیرا

 

اللہ تعالیٰ آپ کو بھی جزائے خیر عطا کرے آمین

 

ثمہ آمین یا رب العالمین