میں اگاں دی من نئیں سکدا رل نئیں سکدا میں

میں اگاں دی من نئیں سکدا رل نئیں سکدا میں
میں برفاں دا بنیاں ہویاں بھل نئیں سکدا میں

میرے اس دریا دے اندر چن گھولے نیں کس؟
ہن چمکیلے پانی دے وچ گھل نئیں سکدا میں

میرے متھے لا ون بھاویں جہڑا وی الزام
تیرے شہر دے لوکاں کولوں ہل نئیں سکدا میں

سرگیں دا ہک تارا آکے مینوں روز پھرولے
پر گلاں دا بدھا ہویا کھل نئیں سکدا میں

میری تے اس جگ تے ہے سی اک بندے نوں لوڑ
ہور کسے دی اکھ دے وچوں ڈھل نئیں سکدا میں

تولہ ہواں ماشہ ہواں جہڑا و ی آں میں
گلاں پچھے لگ نئیں سکدا تل نئیں سکدا میں

محمد صابر

 

دوستاں دی محبت دی نظر