میرے نبیﷺ کا گلشنِ معیار ہے وسیع ۔۔۔ *ثاقب القادری مصباحی*

اخلاق بے مثال ہے کردار ہے وسیع
میرے نبیﷺ کا گلشنِ معیار ہے وسیع

سارے سمندروں نے کیا اعترافِ عجز
اتنا مرے کریم کا دربار ہے وسیع

قرآنِ پاک پڑھ کے یہی سوچتا رہا
" مضمونِ نعتِ احمدِ مختار ہے وسیع"

اُن کی بھی شانِ دیدہ نوازی کی حد نہیں
میرا بھی ظرفِ حسرتِ دیدار ہے وسیع

کیا سمجھے سامنے کی کوئی وسعتِ نگاہ
اُن کی نگاہ جب پسِ دیوار ہے وسیع

اے دھڑکنو! سروں سے ردائے ادب نہ جائے
ہاں ہاں نگاہِ سیدِ ابرار ہے وسیع

محروم اُن سے کوئی گنہگار کیوں رہے؟
ثاقبؔ سرِ شفیع کی دستار ہے وسیع
-----
*ثاقب القادری مصباحی*
بزم نعتﷺ
عالمی واٹس ایپ گروپ "بزم نعت" کا چھپنواں شاندار طرحی مشاعرہ
1 اگست 2018
​

 

قرآنِ پاک پڑھ کے یہی سوچتا رہا
" مضمونِ نعتِ احمدِ مختار ہے وسیع"​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین