میرے اشکوں میں مری فریاد، دل برسائے گا ۔۔ ۔ سبحان الدین گل بخشالوی

میرے اشکوں میں مری فریاد، دل برسائے گا
ایک ’’اللہ ہو‘‘ مری رحمت کی برکھا لائے گا

دیکھنا اُس وقت بھی لب پر مرے حمد و ثنا
اس جہاں سے جب کبھی ہجرت کا لمحہ آئے گا

میرے دل پر نقش ہے کعبے کے منظر میں خدا
اب بھلا اس دشت میں ہے کون جو بہکائے گا

ہے مرا ایمان، کر کے ذکر، جو سوجاؤں میں
خواب میں مولا مجھے، کعبہ بھی تو دکھلائے گا

سامنے محشر میں مولا، سر اُٹھا کر آؤں میں
بس کرم، جوشِ شہادت کا جو تو فرمائے گا

ہو گی محبوبؐ خدا کی یاد میں جب نعت تو
میرا گھر گلؔ دیکھنا، جنت سماں بن جائے گا
٭٭٭
گلستانِ نعتﷺ ۔۔ سبحان الدین گل بخشالوی​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ـ جزاک اللہ

 

اللہ تعالیٰ آپ کو بھی جزائے خیر عطا کرے آمین